२०७८ को अन्तिम दिन : वसन्तपुर क्षेत्रको चहलपहल (फोटो फिचर)

२०७८ सालको अन्तिम दिन बुधबारसाँझ राजधानीको वसन्तपुरमा छुट्टै चहलपहल थियो । नयाँ वर्ष २०७९ को स्वागतका लागि साँझदेखि नै वसन्तपुर र ठमेल क्षेत्रमा चहलपहल बढेको हो । बुधबार साँझ वसन्तपुर र ठमेल क्षेत्रमा पुगेर गोरखापत्र अनलाइनका लागि मनोजरत्न शाहीले कैद गर्नुभएका तस्बिर :

वर्षा र सहकालका देवता सेतो मच्छिन्द्रनाथको रथयात्रा लगन पुर्‍याइयो (फोटो फिचर)

वर्षा र सहकालका देवता सेतो मच्छिन्द्रनाथको रथयात्राको तेश्रो दिन जात्रा आज सम्पन्न भएको छ । तेश्रो दिन लगन टोलमा रथलाई पुर्‍याई एक परिक्रमा गराई सोमबारको रथ यात्रा भोलिसम्मको लागि रोकिएको छ भने भोलि अर्को दुई परिक्रमा गराई यस वर्षको रथ यात्रा समापन हुने छ ।

मुक्तिनाथमा दर्शनार्थीको भीड (फोटो फिचर)

मुस्ताङको प्रसिद्ध तीर्थस्थल मुक्तिनाथ मन्दिरमा पछिल्लो समय दर्शनार्थीको भीड बढ्दै गएको छ। कोभिड–१९ को महामारीको समयमा सुनसान मुक्तिनाथमा अहिले दैनिक भीड बढेको हो। दैनिक दुई हजार दर्शनार्थी मुक्तिनाथ पुग्ने गरेका छन्। असारदेखि चैतसम्म दानपेटीकामा १० लाख ८४ हजार एक सय ५६ रुपैंया जम्मा भएको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिनुभयो।

तस्बिरमा सेतो मच्छिन्द्रनाथको रथयात्रा

वर्षा र सहकालका देवता सेतो मच्छिन्द्रनाथको रथयात्राको सुरु भएको छ। सेतो मच्छिन्द्रनाथको रथयात्रा प्रत्येक वर्ष चैत्र शुक्ल अष्टमीदेखि दरबारमार्गको तीनधारा पाठशालाबाट सुरु हुन्छ। रथयात्रा अगाडि काठमाडौं इन्द्रचोकमा रहेको केलटोलको मन्दिरबाट देवताको मूर्ति खटमा राखेर दरबारमार्गमा पुर्याइएको थियो। यसरी लगिएको मूर्तिलाई खटमा राखेर रथयात्रा सुरु हुँदै आएको छ।

साताका सात तस्बिर

उपोष्ण प्रदेशीय बागवानी विकास केन्द्र नुवाकोटको ‘प्रदर्शनी प्लट’मा उत्पादन गरिएको रेड रेडी जातको मेवा। कार्यालयले स्थानीय बजारमा उक्त मेवा प्रतिकिलो ५० मा बिक्री गर्ने गरेको छ। सिन्धुपाल्चोकको भोटेकोशी नदीमा साहसिक खेल र्याफ्टिङको मजा लिँदै स्वदेशी पर्यटक।