स्थानीय तहमा आवश्यकता अनुरुप गठबन्धनसँग तालमेल गर्ने निर्णय

सत्तारुढ दल नेपाली काँग्रेसको चैत ११ गते शुक्रबारदेखि बसेको केन्द्रीय समितिको बैठक मंगलबार सम्पन्न भएको छ । बैठकले स्थानीय परिस्थति र आवश्यकता अनुसार गठबन्धन गरेका दलहरुसँग चुनावी तालमेल गर्ने नीतिगत निर्णय गरिएको पार्टी प्रवक्ता डा. प्रकाशशरण महतले जानकारी दिनुभयो ।

त्रिवि सेवा आयोगका तत्कालीन प्रमुखसहित ६ जनाविरुद्ध भ्रष्टाचार मुद्दा

अख्तियार दुरुपयोग अनुसन्धान आयोगले त्रिभुवन विश्वविद्यालय सेवा आयोगका तत्कालीन प्रमुख परशुराम कोइरालासहित छ जनाविरुद्ध भ्रष्टाचार मुद्दा दायर गरेको छ। २०७४ सालमा भएको लेखा सहायक र पुस्तकालय सहायक पदको लिखित परीक्षामा गलत मनसाय राखी परीक्षार्थीको उत्तरपुस्तिका केरमेट गरेको, प्राप्तङ्कमा हेरफेर गरेर सूची फेरबदल गरेको आरोपमा तत्कालीन प्रमुख कोइरालासहित छ जनाविरुद्ध विशेष अदालतमा मुद्दा दायर भएको हो।

प्रधानमन्त्रीलाई नुवाकोटबासीको ज्ञापनपत्र

प्रधानमन्त्री शेरबहादुर देउवासमक्ष नेपाली कांग्रेसका प्रवक्ता डा. प्रकाशशरण महतको नेतृत्वको नुवाकोट जिल्लाको प्रतिनिधिमण्डलले ज्ञापनपत्र प्रस्तुत गरेको छ। प्रधानमन्त्री देउवालाई मंगलबार उहाँको सरकारी निवास बालुवाटारमा भेटेर प्रस्तुत गरेको ज्ञापन पत्रमा नुवाकोट जिल्लाका विविध समस्याको समाधान गर्न प्रधानमन्त्रीको ध्यानाकर्षण गराइएको छ।

विमस्टेकमा पाँच वटा सम्झौतामा हस्ताक्षर गर्ने तयारी

परराष्ट्र मन्त्रालयले प्रधानमन्त्री शेरबहादुर देउवाले भारत भ्रमणमा गर्ने जनाएको छ। प्रधानमन्त्री देउवाले चैत १८, १९ र २० गते भारत भ्रमण गर्ने परराष्ट्र मन्त्रालयकी प्रवक्ता सेवा लम्सालले जानकारी दिनुभयो। मंगलबार मन्त्रालयमा गरिएको पत्रकार सम्मेलनमा बोल्नुहुँदै सो कुराको जानकारी दिनुभयो।

मधेस सरकारको नयाँ दरबन्दी संरचना तयार

प्रदेस सरकार गठन भएको चार वर्षपछि मधेस प्रदेश सरकारले प्रदेशमा आवश्यक कर्मचारीको नयाँ दरबन्दी संरचना तयार पारेको छ। मुख्यमन्त्री स्तरीय निर्णय बाट २०७८ माघ ६ गते मुख्यन्यायाधीवक्ता दीपेन्द्र झाको संयोजकत्वमा गठित प्रदेश संगठन तथा व्यवस्थापन सर्वेक्षण समितिले मुख्यमन्त्री कार्यालयमा एक कार्यक्रमबीच मुख्यमन्त्री लालबाबु राउतलाई प्रतिवेदन हस्तान्तरण गरेको हो।