एमसीसी सम्झौताको पक्षमा छु : लोसपा अध्यक्ष ठाकुर

लोकतान्त्रिक समाजवादी पार्टी (लोसपा)का अध्यक्ष महन्थ ठाकुरले आफू अमेरिकी सहायता मिलेनियम च्यालेन्ज कर्पोरेशन (एमसीसी) सम्झौताको पक्षमा रहेको बताउनुभयो । आइतबारको प्रतिनिधिसभाको दोस्रो बैठकमा एमसीसीमाथिको छलफलमा भाग लिनुहुँदै लोसपा अध्यक्ष ठाकुरले सो कुरा बताउनुभएको हो । ‘म यो सम्झौताको पक्षमा छु । हाम्रो लोकतान्त्रिक समाजवादी पार्टी यो सम्झौताको पक्षमा छ ।’ उहाँले भन्नुभयो ।

एमसीसी सम्झौताको विरोध गर्न नमिल्ने : काँग्रेस नेता रिजाल

सत्तारुढ नेपाली काँग्रेसका नेता डा. मिनेन्द्र रिजालले अमेरिकी सहायता मिलेनियम च्यालेन्ज कर्पोरेशन (एमसीसी) सम्झौताको विरोध गर्न नमिल्ने बताउनुभएको छ । प्रतिनिधिसभाको आइतबारको दोस्रो बैठकमा एमसीसीमाथिको छलफलमा भाग लिनुहुँदै नेता रिजारले हामी आफैंले मागेको एमसीसी सम्झौताको विरोध गर्न नमिल्ने बताउनुभएको हो ।

संसद्‍मा छलफल सुरु भएको एमसीसीको १२ बुँदे व्याख्यामा के छ ? (पूर्णपाठ)

सत्तारुढ दलहरुले अमेरिकी सहयोग परियोजना एमसीसीलाई नितान्त आर्थिक सहयोग र भौतिक पूर्वाधारको विकासमा केन्द्रित रहेको व्याख्यात्मक घोषणा गरेका छन्। एमसीसी सम्झौताका सन्दर्भमा उठेका अनेक प्रश्न र जिज्ञासाको चित्तबुझ्दो जवाफ खोज्दै दलहरुले कम्प्याक्टका सम्बन्धमा, त्यसको पक्ष भएका कारण नेपाल संयुक्तराज्य अमेरिकाको इण्डो प्यासेफिक स्ट्राटेजीलगायत कुनै पनि सामरिक सैन्य वा सुरक्षा गठबन्धमा बाँधिएको मानिने छैन...

एमसीसीको व्याख्यात्मक प्रस्ताव सदनमा छलफल गरियोस् भन्ने प्रस्ताव पारित

अमेरिकी सहायता मिलेनियम च्यालेन्ज कर्पोरेशन (एमसीसी)को व्याख्यात्मक प्रस्ताव संसदमा प्रस्तुत भएको छ । मन्त्रिपरिषदबाट पारित एमसीसीको व्याख्यात्मक प्रस्ताव अर्थमन्त्री जनार्दन शर्माले प्रतिनिधिसभाको आइतबारको दोस्रो बैठकमा पेश गर्नुभएको हो ।

दोस्रो बैठकको कार्यसूची : एमसीसी अनुमोदन प्रस्ताव पेश हुँदै

प्रतिनिधिसभा बैठकको दोस्रो बैठकको कार्यसूची सार्वजनिक भएको छ । संघीय संसद सचिवालयका महासचिव डा. भरतराज गौतमले दोस्रो बैठकको कार्यसूची सार्वजनिक गर्नुभएको हो । कार्यसूचीको पहिलो नम्बरमा अर्थमन्त्री जनार्दन शर्माले एमसीसी सम्झौताको प्रावधानमाथि सदनमा छलफल गरियोस् भन्ने प्रस्ताव प्रस्तुत गर्नुहुनेछ । दोस्रो नम्बरमा एमसीसी सम्झौता अनमोदनको प्रस्ताव अर्थमन्त्री शर्माले नै पेश गर्नुहुने उल्लेख छ ।