भेलागढी वन प्रमुख पर्यटकीयस्थलमा परिणत हुँदै

झापा हल्दीबारी वडा नं. २ को भेलागढी वनको हाताभित्र रहेको पोखरी अहिले यस गाउँपालिकाको प्रमुख पर्यटकीयस्थलको रुपमा परिणत भएको छ । यहाँ करिब तीन बिगाहमा फैलिएको सिमसारभित्र ८० हजार माछाका भुरा छाडिएको छ । काठबाट बनाईएको पुल आकर्षणको केन्द्र बनेको छ ।

हवाई सेवा अवरुद्ध हुँदा पर्यटक अलपत्र

सोलुखुम्बुको पर्यटकीय विमानस्थल तेन्जिङ हिलारी विमानस्थल लुक्लामा तीन दिनदेखि लगातार मौसममा आएको खराबीका कारण उडान अवरुद्ध हुँदा पर्यटक तथा अन्य यात्रु अलपत्र परेका छन् । पर्यटकीय सिजन सुरु भएका बेला दैनिकजसो दुई दर्जन बढी उडान हुने लुक्लामा मौसम खराबीका कारण सबै उडान अवरुद्ध भएपछि पर्यटकको आवत–जावतमा समस्या परेको छ ।

देश जोगाउने किल्ला जोगाउन कठिन

नेपाल एकीकरण र अंग्रेजसँगको युद्धका बेला देशको रक्षा गर्न निर्माण भएको ऐतिहासिक शर्मालीगढी जोगाउन नसक्दा त्यहाँ रहेका महत्वपूर्ण ढाल–तरवार र पुराना तोप हराएका छन् । बैतडीको शिवनाथ गाउँपालिका वडा नम्बर २, शर्मालीगढीमा रहेको किल्लाभित्रको हतियार राख्ने ठाउँ जिर्ण बनेर भत्केपछि किल्ला समेत हराउने अवस्थामा पुगेको छ ।

बाघले बढायो बाँके राष्ट्रिय निकुञ्जमा पर्यटक   

बाँकेमा निकुञ्ज स्थापना भएपछि प्रत्येक वर्ष बाघको सङ्ख्या बढ्दै गएको छ । विसं २०६७ मा बाँके राष्ट्रिय निकुञ्ज स्थापना भएपछि बाघलगायतका वन्यजन्तुको संरक्षण हुँदै आएको छ । सन् २०१३ मा बाघ गणना हँुदा बाँकेमा जम्मा चार वटा बाघ भेटिएकामा सन् २०१८ मा गणना हुँदा वयस्क बाघको सङ्ख्या २१ पुगेको हो ।    

निग्लिहवामा भाद्र पूर्णिमा उत्सव   

लुम्बिनी भ्रमण वर्ष २०७६ कार्यक्रमअन्तर्गत बुद्धको जीवनीसँग महत्वपूर्ण मानिएका मासिक पूर्णिमाअन्तर्गतको भाद्र पूर्णिमा उत्सव कार्यक्रम शनिबार कपिलवस्तुस्थित निग्लिहवामा मनाइएको छ ।