आफ्नै कीर्तिमान तोड्दै कामीरिता २६ औँ पटक सगरमाथा चढ्ने

विश्व कीर्तिमानी आरोही गाइड कामीरिता शेर्पाले यस वर्षको वसन्त ऋतुमा २६ औं पटक सगरमाथाको आरोहण गर्ने हुनुभएको छ । शेर्पाले सबैभन्दा धेरै पटक सर्वोच्च शिखर सगरमाथा (८८४८.८६ मि) आरोहण गरेर बनाएको विश्व कीर्तिमान आफैँ तोड्ने सगरमाथाको आरोहण गर्न लाग्नुभएको हो । उहाँले गत वर्ष २५ औं पटक सगरमाथाको सफल आरोहण गरी विश्व कीर्तिमान कायम गराउनुभएको थियो । सेभेन समिट ट्रेकमा आवद्ध रहेर आरोहणमा सहभागी हुनुभएका उहाँले यो वर्ष...

नौ देश सम्मिलित अन्तर्राष्ट्रिय विज्ञ समूह तिलौराकोटमा

गौतम बुद्धले आफ्नो जीवनको २९ वर्ष बिताएको ठाउँ तिलौराकोटमा नाै देश सम्मिलित अन्तरार्ष्टिय विज्ञ समूह (थिङ्क ट्यांक)ले अवलोकन गरेका छन् । बृहत्तर लुम्बिनी क्षेत्रको समग्र विकासका लागि सुझाव दिन गठित थिङ्क ट्यांक समूह लुम्बिनी हुँदै तिलौराकोट आएका हुन् । समूह लुम्बिनीमा तीन दिन कार्यशाला सम्पन्न गरी तिलौराकोट पुगेका थिए ।

दुई वर्षपछि -याफ्टिङ सुरु

दुई वर्षदेखि बन्द भएको -याफ्टिङ व्यवसाय फागु पर्वसँगै पुनः सञ्चालन हुन थालेको छ । कोरोना महामारीका कारण बन्द रहेको यस क्षेत्रमा फागु पर्वपछि आन्तरिक पर्यटक -याफ्टिङ गर्न आएसँगै व्यवसाय सुरु भएको हो ।

पोखरा क्षेत्रीय अन्तर्राष्ट्रिय विमानस्थलको क्यालिब्रेसन उडान कात्तिकमा

पोखरा क्षेत्रीय अन्तर्राष्ट्रिय विमानस्थलको यान्त्रिक परीक्षण उडान (क्यालिब्रेसन फ्लाइट) उडान २०७९ कात्तिक भित्र गरिने भएको छ । गौतमबुद्ध अन्तर्राष्ट्रिय विमानस्थल, त्रिभुवन अन्तर्राष्ट्रिय विमानस्थल सहित थप छ वटा विमानस्थलको यान्त्रिक परीक्षण उडान सम्पन्न भएसँगै पोखराको उडानको कात्तिक महिनासम्ममा सम्पन्न गर्ने लक्ष्य राखेको प्राधिकरणका निर्देशक विक्रमराज गौतमले जानकारी दिनुभयो ।

विमानस्थलमा यात्रु कुरुवा शुल्कको विरोध, बाध्यकारी छैन : प्रवक्ता

त्रिभुवन अन्तर्राष्ट्रिय विमानस्थलमा विदेशबाट आउने यात्रुको पर्खाइमा बस्ने कुरुवाले रकम तिर्नु पर्ने बाध्यता नभएको विमानस्थलले जनाएको छ । ५० र एक सय रुपियाँ यात्रु कुरुवालाई लिने गरेको गुनासो आएसँगै त्रिभुवन अन्तर्राष्ट्रिय विमानस्थलका प्रवक्ता प्रेमनाथ सिटौलाले रकम तिर्न बाध्यकारी नभएको बताउनुभयो ।