पर्यटन क्षेत्रमा सुधारको सङ्केत : पर्यटकको सङ्ख्या र आम्दानी दोब्बर

कोभिड–१९ सङ्क्रमणको तेस्रो लहर मत्थर भइरहेको र धेरै देशले यात्रा प्रतिबन्ध खुकुलो बनाइसकेको अवस्थामा नेपाल भित्रिने पर्यटकको आवागमन बढ्न थालेको छ । पर्यटक आगमन बढेसँगै पर्यटन आय पनि क्रमशः बढ्दो क्रममा रहेको छ ।

अन्नपूर्ण पदमार्गमा पर्यटक बढे

चक्रीय अन्नपूर्ण पदमार्गमा पर्यटक बढ्न थालेका छन् । यो पदमार्गमा गत वर्ष मार्च महिनामा १३७ पर्यटक भित्रिएकामा यस वर्ष मार्च महिनाको एक सातामै १३४ जना पर्यटक भित्रिएका छन् । गत सोमबार ३५ जना पर्यटक चक्रीय अन्नपूर्ण पदमार्गमा आएको अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालय मनाङको धारापानी चेकपोस्टले जनाएको छ ।

प्रवद्र्धनमा जुटे पर्यटन व्यवसायी

पश्चिम नेपालका पर्यटकीय क्षेत्रको अवलोकन र प्रचारप्रसारका लागि भारतबाट ५० भन्दा बढी पर्यटन व्यवसायी नेपालगञ्ज पुगेका छन् । भारतीय पर्यटकलाई आकर्षित गर्न नेपालगञ्जमा पहिलो पटक सञ्चालन भइरहेको तीन दिने ‘वेस्टर्न ट्राभल मार्ट’मा सहभागी हुन उनीहरू यहाँ आएका हुन् । यस क्षेत्रका प्रमुख पर्यटकीय स्थलको अवलोकनका साथै भारतीय पर्यटक ल्याउने विषयमा अन्तरक्रिया र छलफल पनि गरिएको नेपाल एसोसिएसन अफ टुर्स एन्ड ट्राभल्स...

नेपाल प्रवेश गर्दा खोप कार्ड देखाए पुग्ने

हावाइ वा स्थल मार्गबाट नेपाल आउने यात्रुले पूर्ण मात्रा खोप लगाएको कार्ड मात्र देखाए पुग्ने भएको । यस अघि यात्रको ७२ घण्टा अगाडि पीसीआर टेस्टबाट कोभिड १९ नेगेटिभ भएका यात्रुले मात्र नेपाल प्रवेश पाउने व्यबस्था थियो ।

सञ्चालनको अन्तिम तयारी प्राविधिक र सुरक्षा कर्मचारीलाई तालिम

गाैतमबुद्ध अन्तर्राष्ट्रिय विमानस्थल निर्माण सम्पन्नसँगै व्यावसायिक उडान सञ्चालनको तयारी शुरु भएको छ । नेपाल नागरिक उडड्यन प्राधिकरणले बुद्ध जयन्तीदेखि नियमित रुपमा व्यावसायिक उडान सञ्चालकका लागि आवश्यक तयारीमा जुटेको विमानस्थल सञ्चालन तयारी कार्यदल सह–संयोजक विक्रमराज गौतमले जानकारी दिनुभयो ।