बाक्लो हुस्सुसँगै तराईमा चिसो बढ्यो

मौसममा आएको परिवर्तनले पूर्वी तराई मधेशमा तीन दिनदेखि चिसो बढेको छ । चिसो बढेकाकारण सप्तरीसहित तराईका जिल्लाको जवजीवन प्रभावित बनेको छ । हुस्सु बाक्लोगरी लाग्न थालेसँगै बढेको चिसोले गाउँ तथा वजारमा सर्वसाधारणको चहल पहल कम भएको छ ।

गाउँमा बिजुलीबाट चल्ने मिल भएपछि कुटान पिसानमा सहज

विजुली बत्ति गाउँमा पुगेसँगै बिजुलीबाट चल्ने मिल खुल्न थालेपछि किसानलाई कुटान पिसान गर्न सहज हुन थालेको छ । सर्लाहीको अधिकांश गाउँमा बिजुलीबाट चल्ने मिल खुलेका छन् । बस्तीपिच्छे मिल भएपछि किसानलाई सहज भएको हो ।

कुपोषणसम्बन्धी जनचेतना नहुँदा बालबालिका समस्यामा : मुख्यमत्री राउत

प्रदेश २ का मुूख्यमन्त्री लालबाबु राउतले कुपोषण सम्बन्धी जानकारीको आभावका कारण समाजमा बालबालिका कुपोषणको शिकार हुनेगरेको बताउनुभएको छ । प्रदेश सरकारले आउने दिनमा कुपोषण सम्बन्धी जनचेतनामुलक कार्यक्रम सञ्चालन गर्ने बताउनुभयो ।

तराईमा बाक्लो हुस्सु, चिसोले जनजीवन कष्टकर बन्दै

शुक्रबारबाट तराईमा बाक्लो हुस्सु लाग्न थालेसँगै तराईका जिल्लामा चिसो बढेसँगै जनजीवन कष्टकर हुँदैगएको छ । कठ्याङग्रिदो चिसोले देशका अन्य भागमाझैँ तराईमा पनि जनजीवन प्रभावित हुन थालेको हो ।

परालको आगो तापेर शितलहर छल्दै विपन्न समुदाय

शितलहर सुरु भएसँगै विपन्न दलित समुदायहरु परालको आगो (घुर) बालेर शितलहर छलिरहेका छन् । न्यायो लुगाको अभावले गर्दा दैनिक मजदुरी गरेर गुजारा गर्ने परिवारहरु चिसोको कष्ट खेप्न बाध्य भएका हुन् ।

प्रदेश जनलोकपाल आयोगमा सात निवेदन दर्ता

प्रदेश २ मा गठित प्रदेश जनलोकपाल आयोगमा भ्रष्टाचार र अनियमित्तासम्बन्धी विभिन्न सात वटा निवेदन दर्ताभएको छ । नियमावली, कार्यविधि र कर्मचारी अभावले निवेदनमाथि कारबाही अगाडि बढेको छैन ।

सडक अवरुद्धले सर्वसाधारणलाई सास्ती

सिके राउत नेतृत्वको जनमत पार्टीले विहीबादेखि गरेको पूर्व–पश्चिम राजमार्ग अबरुद्धले सर्वसाधारणलाई सास्ती भएको छ । सो पार्टीका कार्यकर्ताहरुले पूर्व–पश्चिम राजमार्ग अन्तर्गत सप्तरीका विभिन्न स्थानमा बिहीबार बिहानदेखि राजमार्ग अवरुद्ध गरेका छन् ।

बयलबास घटना छानबिन गर्न एसपीको नेतृत्वमा समिति गठन

सर्लाहीको ईश्वरपुरमा गत आइतवार प्रहरी भ्यानको ठक्करबाट एक युवकको मृत्यु भएको घटनाबारे छानबिन गर्न समिति गठन गरिएको छ । प्रदेश २ प्रहरी कार्यालय जनकपुरले बिहीबार प्रदेश २ दङ्गा नियन्त्रण प्रहरी गण ढल्केबर, धनुषाका प्रहरी उपरीक्षक (एसपी) ज्ञानेन्द्रप्रसाद फुँयालको नेतृत्वमा ५ सदस्यीय छानबिन समिति गठन गरेको हो ।

प्रदेशको राजधानी र नामाकरणको लागि विशेष समिति गठन

प्रदेश २ को प्रदेश सभाको आठौँ अधिवेशनको पाँचौं बैठकले सभामुख सरोजकुमार यादवको संयोजकत्मा राजधानी र नामकरणसम्बन्धी अध्ययन विशेष समिति गठन गरेको छ । यस विशेष समितिको सहसंयोजकमा उपसभामुख उपमाकुमारी देवलाई राखिएको छ । समितिका सदस्यहरुमा प्रदेशसभा सदस्यहरु उपेन्द्रकुमार कुशवाहा, किशोर साह (कमल), जगतप्रसाद यादव, दिलिपकुमार साह, परमेश्वर साह, बिदेश्वरप्रसाद यादव, शत्रुधन महतो, शारदा थापा, शिवचन्द्र चौधरी, शैलेन्द्रकुमार...

प्रदेश २ का तीन जिल्लाका तीन हजार २३४ दलित विपन्न परिवारले पाए पक्की भवन

धनुषाको शहीदनगरका ५५ वर्षीय शिवजी सदाले पक्की घर पाएपछि खुसीले गदगद छन् । वर्षौदेखि फुसको छानोमा छ जना परिवारका सदस्यसहित बस्दै आएका सदा अब भने पक्की घरमा ढुक्कसँग बस्न पाएपछि सुखी भएका हुन् । “मान्छेलाई बाच्नका लागि खानासँगै घर पनि चाहिन्छ, तर घर नहुँदा फुसको छाप्रोमा जेनतेन परिवारसँगै बस्दै आएका थिए”, उहाँले भन्नुभयो, “जनता आवास कार्यक्रमअन्तर्गत सरकारले पक्की घर बनाइदिएपछि घरको समस्याबाट मुक्त भइयो, अब त केबल...