डडेल्धुरामा पहिरोमा पुरिएर एक जनाको मृत्यु 

डडेल्धुरामा घरमाथिबाट आएको पहिरोमा पुरिएर एक जनाको मृत्यु भएको छ। जिल्लाको गन्यापधुरा गाउँपालिका–१ भात्काडाका ३२ वर्षीय विष्णु अवस्थीको ज्यान गएको प्रहरी नायव उपरीक्षक महेन्द्र नेपालले बताउनुभएको छ ।

महाकालीकाे बाढीमा पाँचजना फसे, उद्धारका लागि हेलिकप्टर आउँदै

सोमबार रातिबाट बाढीमा फसेकाहरुको उद्धारका लागि हेलिकप्टर आउनेभएको छ । महाकाली नदीको बीच बाढीमा फसेकालाई हेलिकप्टरबाट उद्धार गरिने सुदूरपश्चिम प्रदेशका आन्तरिक मामिला तथा कानुनमन्त्री पूर्णा जोशीले बताउनुभयो ।

जुम्लामा भारी बर्षा, बाढीले पाकेको मार्सीधानका फाँट बगायो

भित्र्याउनै लागेको मार्सी धानको खेतमा बाढी आएपछि किसानलाई रुनु र हास्नु भएको छ । जुम्लाको तिला र हिमा नदी छेउ छाउमा पाकेर भित्र्याउनै लागेका मार्सीधााका खेतहरुमा बाढी पसेपछि ठूलो मात्रामा धान क्षति भएको किसानहरुले जनाएका छन् ।

कर्णाली नदीमा बाढीले खतराको तह नाघ्यो, तटीय क्षेत्रमा जोखिम

बेमौसमी वर्षाका कारण कर्णाली नदीमा मंगलबार बिहान ९ः०० बजे खतराको तह नाघेको छ । कर्णाली चिसापानीका गेज रिडर पार्वती गुरुङका अनुसार मंगलबार विहान ९ बजे नदीको बाढी ११ मिटर २० सेन्टिमिटर पुगेको छ । कर्णाली नदीको सतह ११ मिटर पार गर्नुलाई खतराको तह मानिन्छ । यस वर्ष वर्षामा पनि कर्णालीको सतह ९ मिटर ८० सेन्टिमिटर मात्रै पुगेको थियो ।

सेतीमा पानीको बहाव बढ्यो, जनजीवन प्रभावित

जिल्ला सदरमुकाम सिलगढीसहित यहाँका दुई जिल्ला अछाम तथा बाजुरा जोड्ने सेती नदीमाथिको मोटर पुल खतरमा परेसँगै यहाँको जनजीवन प्रभावित भएको छ । तीन दिनदेखिको लगातारका बर्सातका कारण नदीमा पानीको बहाव एकाएक बढेपछि सो पुल भएर सञ्चालन हुने यातायात सेवा ठप्प भएको छ । नदी आसपासका बस्तीमा खतरा बढेको भन्दै सचेत रहन जिल्ला प्रशासन कार्यालयले सबै नागरिकलाई आग्रह गरेको छ ।

कैलालीमा थप २ जना कोरोना सङ्क्रमितको मृत्यु

धनगढीको सेती प्रादेशिक अस्पतालमा उपचाररत थप २ जना कोरोना सङ्क्रमितको मृत्यु भएको छ । अस्पतालका सूचना अधिकारी दिलीप श्रेष्ठले कैलालीको गोदावरी नगरपालिका ७ का ६० वर्षीय पुरुष र कञ्चनपुरको बेल्डाडी गाउँपालिका २ का ६७ वर्षीय पुरुषको मृत्यु भएको जानकारी दिनुभयो ।

दार्चुलाका छोटी भन्सार कार्यालय पुनःस्थापना गर्न माग

दार्चुलाको पाँचवटा छोटी भन्सार कार्यालयहरु स्थानीयहरुले पुनस्र्थापनाको माग गरेका छन । लामो समयदेखि बन्दरहेका भन्सार कार्यालयहरु बन्द हुँदा राज्यले ठूलोमात्रामा राजस्व समेत गुमाउँदैआएको छ ।

श्रीमानको हत्यामा संलग्न श्रीमती र थप एक जना पक्राउ

कैलालीमा श्रीमानको हत्या गरेको आरोपमा श्रीमतीसहित थप एक जनालाई प्रहरीले प्रकाउ गरेको छ । धनगढी उपमहानगरपालिका ७ बस्ने २५ बर्षीय रमेश चौधरी शनिबार विहान खुटिया नदी नजिक चौरमा मृत फेला परेपछि प्रहरीले अनुसन्धान शुरु गरेको थियो ।

नेपाल आमाको मूर्ति निर्माणका लागि धातुको अभाव हुँदै   

भीमदत्त नगरपालिका– ८ भम्केनीधाम(तिलाचौर) क्षेत्रमा निर्माण भइरहेको अष्टधातुको नेपाल आमाको ७५फिट अग्लो मूर्ति निर्माणका लागि धातुको अभाव हुन थालेको छ । धातुको अभाव हुन नदिन सिद्धनाथ बैजनाथ धार्मिक तपस्थली क्षेत्र विकास समितिले घरदैलो अभियान सञ्चालन गर्ने भएको छ । समितिका अध्यक्ष कृष्णबहादुर सिंहले सुदूरपश्चिम क्षेत्रमा घरदैलो गरी धातु सङ्कलन गरिने बताउनुहुन्छ । 

बर्षदिन नपुग्दै जीर्ण बन्यो ऐतिहासिक अमरगढी किल्लाको कोतघर

डडेल्धुरामा रहेको ऐतिहाहिक अमरगढी किल्लामा निर्माण गरिएको कोतघर निर्माण गरेको एक वर्ष मै जीर्ण बनेको छ । डडेल्धुरामा रहेको नेपाली सेनाको तत्कालीन रणबम गणले नागरिक–सैनिक सम्बन्ध कार्यक्रम अन्तर्गत २० लाख रुपिँयाको लागतमा कोतघर निर्माण गरि २०७७ कार्तिक १३ गते अमरगढी नगरपालिकालाई हस्तान्तरण गरेको थियो ।