बाजुरामा पहिरोमा परी दुई जनाको मृत्यु, दुई घाइते

बाजुराको छेडेदह गाउँपालिका –५ बनगाडाको लेखमा पहिरोमा पुरी एक बालिकाको मृत्यु भएको छ । त्यसै गरी जिल्लाको पूर्वि उत्तर क्षेत्रमा पर्ने बुढीनन्दा नगरपालिका –६ दैयाकी ७५ वर्षीया झीनु लुवारको पनि बाढीले बगाएर मृत्यु भएको छ ।मृत्यु हुनेमा छेडेदह गाउँपालिकाको –५ की तीन वर्षीया बालिका स्वामीका बुढा रहेको जिल्ला प्रहरी कार्यालय बाजुराले जनाएको छ । मृतक बालिकाको मङ्गलबार राती सुतिरहेको बेला अविरल वर्षादका कारण खर्कमाथीबाट...

कर्णाली नदीको तटबन्ध भत्कियो: राजापुर उच्च जोखिममा

कर्णाली नदी व्यवस्थापन आयोजनाअन्तर्गत निर्माण भएको तटबन्ध दुई वर्ष नबित्दै नदीले भत्काएको छ । दुई सय मिटर लामो तटबन्ध भत्काएपछि बर्दियाको राजापुर नगरपालिकालगायत आसपासका दर्जनौं गाउँ बाढी र कटानको उच्च जोखिममा परेका छन् । राजापुरमा बाढी र कटान रोक्न आर्थिक वर्ष २०७२÷०७३ मा करिब ८ सय मिटर लामो तटबन्ध रु ६ करोड ८६ लाख ४० हजारको लागतमा निर्माण भएको थियो । तीमध्ये २ सय मिटरभन्दा बढी तटबन्ध नदीले भत्काएको छ ।

वीरगञ्जमा थप दुई जना कोरोना सङ्क्रमितको मृत्यु

वीरगञ्जमा कोरोना भाईरसको संक्रमणको कारण थप दुई जनाको मृत्यु भएको छ । वीरगञ्जको गण्डक अस्थायी कोभिड अस्पतालमा उपचाररत एक जना संक्रमित र नारायणी अस्पतालमा उपचाररत एक बिरामीको मृत्युपछि गरिएको स्बाव परिक्षणमा संक्रमण देखिएसँगै वीरगञ्जमा थप २ जना कोरोना संक्रमितको मृत्यु भएको हो ।

हेटौँडाका पछिल्लो २४ घण्टामा मृत्यु भएका दुई जनामा कोरोना पुष्टि

हेटौँडा उपमहानगरपालिकाभित्र पछिल्लो २४ घण्टामा मृत्यु भएका दुईजनामा कोरोना संक्रमण पुष्टि भएको छ । हेटौँडा उपमहानगरपालिका वडा नं १ चौकीटोलका एक बृद्ध र हेटौँडा उपमहानगरपालिका वडा नं १९ मा अर्की एक बृद्धाको पछिल्लो २४ घण्टायता मृत्यु भएको हो । मृत्युपश्चात सार्बजनिक भएको स्वाब परिक्षण नतिजामा दुबैमा कोरोना पुष्टि भएको पाइएको छ ।

खोप र औषधी बिना निको भएका छन् कोरोनाका बिरामी

बागलुङ नगरपालिका–३ गौडाकोटकी ६५ वर्षीया एक महिलामा चैत्त २० गते नेपालको छैटाैँ सङ्क्रमितको रुपमा कोरोना सङ्क्रमणको पुष्टि भयो । त्यसअघि चैत्र १५ गते बागलुङकै १९ वर्षीया युवतीमा पनि सङ्क्रमण देखिएको थियो ।