वर्षाका कारण सीमास्तम्भ ढल्यो

कञ्चनपुरको बेलौरी नगरपालिका–२ बैजुडाँडास्थित नेपाल–भारत सीमास्तम्भ नं २०७ ढलेको अवस्थमा फेला परेको छ । “सीमास्तम्भ मङ्गलबार ढलेको अवस्थामा फेला परेपछि सम्बन्धित निकायमा खबर गरेका छौँ”, इलाका प्रहरी कार्यालय बेलौरीका प्रहरी निरीक्षक रणबहादुर चन्दले भन्नुभयो, “जीर्ण अवस्थमा रहेको सीमास्तम्भको मर्मतसम्भारकार्य नहुँदा ढलेको छ ।”

कर्णालीमा कोरोना सङ्क्रमितको सङ्ख्या एक हजार ५५० पुग्यो

कर्णालीमा कोरोना सङ्क्रमण नियन्त्रणमा आएको छैन । दिनहुँ सङ्क्रमित बढिरहे पनि भौतिक दूरी कायम गरेर दैनिक कामकाज गर्न सरकारले दिएको निर्देशनप्रति सर्वसाधारणले ध्यान दिएको देखिँदैन । यसले गर्दा पनि कोरोना सङ्क्रमण हुने सङ्ख्या नियन्त्रण हुनसकेको छैन ।

बन्दाबन्दीले साना व्यवसायी पीडित

बन्दाबन्दीले सौराहामा पर्यटक आउन छोडेपछि सौराहासँग आश्रित मजदुर तथा कर्मचारी र साना व्यवसायीलाई हातमुख जोर्ने समस्या भएको छ । विशेष गरी तल्लो तहमा काम गर्ने मजदुर तथा कर्मचारी र स्वरोजगार साना व्यवसायी बढी पीडित भएका छन् । कामविहीन भएर फुर्सदिला बनेका मजदुर तथा कर्मचारी र व्यवसायीले तलब पाउन छोडेका छन् । निजी क्षेत्रबाट हात्ती चलाउने माउते दशैं चौधरी सौराहामा पर्यटक आउन छोडेपछि सबैभन्दा पीडित आफूहरू भएको दुखेसो...

अवरोधबीच सुदूरपश्चिम प्रदेशको बजेट पारित

सुदूरपश्चिम प्रदेश सरकारले आर्थिक वर्ष २०७७/०७८ का लागि ल्याएको बजेट बुधबार प्रदेश सभाबाट पारित गरेको छ । प्रतिपक्षी दल नेपाली काङ्ग्रेस र जनता समाजवादी पार्टी (जसपा) को अवरोधकाबीच बजेट पारित भएको हो । सुदूरपश्चिम प्रदेश सरकारले कोरोना नियन्त्रण र रोकथाममा गरेको खर्चको विवरण सदनमा प्रस्तुत र संसदीय समिति बनाएर त्यसको छानविन गर्नुपर्ने अडानसहित प्रतिपक्षीले सदनमा अवरोध गर्दै आउनुभएको थियो ।

अछाममा कोरोना सङ्क्रमितको सङ्ख्या ६०३ पुग्यो

सदरमुकामस्थित मङ्गलसेन नगरपालिकाका तीन जना कर्मचारीसहित १८ जनालाई बुधबार कोरोना सङ्क्रमण पुष्टि भएको छ । योसँगै जिल्लामा ६०३ जनालाई सङ्क्रमण भएको छ । नगरपालिकाको शिक्षा, कृषि शाखाका एक जना र एकजना टिप्पर ड्राइभरलाई कोरोना देखिएको हो । नगरपालिकाकाले तीनै जनालाई आइसोलेसनमा पठाइसकेको छ भने कार्यालय भने सामान्य रुपमा चलिरहेको छ । यसअघि कोरोना पुष्टि भएका साँफेबगर नगरपालिकाका एक वडा अध्यक्ष, एक स्वास्थ्यकर्मी र...