सीमामा रोकिएका १८३ भित्रिए १६० ल्याउन बाँकी

जिल्ला प्रशासन कार्यालय कैलालीका प्रमुख जिल्ला अधिकारी यज्ञराज बोहराले दार्चुला र बैतडी नाकाबाट सिमामा अड्केका १८३ जना शुक्रबार साँझ सम्म जिल्ला भित्रिसकेको बताउदै भारतको पलियामा रोकिएका १६० नेपालीलाई पनि ल्याउने प्रयास भैरहेको बताउनुभयो ।

बझाङका ९३ जना भारतको रामपुरमा अलपत्र, उद्धारको आग्रह

बझाङको थलारा गाउँपालिका घर भएका ९३ जना भारतको रामपुरमा अलपत्र परेका छन् । ३६ दिन दिनदेिख अलपत्र परेकाहरुले आफूहरुलाई उद्धरा गर्नु पर्ने भन्दै बिभिन्न निकायहरुसंग समन्वय गरि रहनु भएको छ । त्यहाँ १३ जना महिला सहित अन्य बालबालिका बृद्ध बृद्धा समेत रहेको बताइएको छ । क्यारेन्टाइनमै एक जना महिला दुई हप्ता अगाडि सुत्केरी समेत हुनु भएको छ ।

एकै गाउँका ४० बढी जन्डिसका बिरामी

सोलुखुम्बुको नेचासल्यान गाउँपालिका–२ सल्यानमा झाडापखाला तथा कमलपित्त (जन्डिस)का बिरामी बढेका छन् । साविक सल्यान गाविसको वडा नं १ र ३ का करिब ४० जनाभन्दा बढीमा उक्त रोग देखिएको वडाध्यक्ष भेषकुमार बाँस्तोलाले जानकारी दिनुभयो । वडाध्यक्ष बाँस्तोलाका अनुसार एकै वरिवारका चारजनासम्म बिरामी परेका छन् । झाडापखाला मात्र नभई आउँसमेत रहेको अनुमान गरिए पनि ल्याब परीक्षणबाट एकिन हुने अध्यक्ष बाँस्तोलाको भनाइ छ ।

प्रदेश सरकारले अलपत्र नागरिकको हवाई भाडामा पचास प्रतिशत अनुदान दिने

बन्दाबन्दीमा नेपालगंज र सुर्खेतमा अलपत्र परि शनिबारबाट हवाई मार्गबाट उद्धार गर्न सुरु गरिएका नागरिकलाई कर्णाली प्रदेश सरकारले हवाई टिकटका पचास प्रतिशत अनुदान दिने भएको छ । अध्ययन र उपचारका लागि जिल्ला बाहिर रहेको बेला बन्दाबन्दी सुरु भएपछि नागरिक एक महिना भन्दा बढी समय अलपत्र परेपछि राहत स्वरुप हवाई टिकटमा अनुदान दिने व्यवस्था कर्णाली प्रदेश सरकारले गरेको हो ।

दोस्रो पटकको परीक्षण रिपोर्ट पनि नेगेटिभ, स्थानीय ढुक्क

झापाको दमक वडा नं. ३ मा कोरोना संक्रमण पुष्टि भएका ब्याक्तिमा दिनहु सम्पर्कमा आएकाहरुको दोस्रो पटक गरिएको स्वाब परीक्षण पनि नेगेटिभ आएको छ । एकसाता अघि भेटिएका संक्रमितको आसपासको क्षेत्र सिल गरेर ५७ स्वाब संकलन गरी परीक्षण गर्दा सबैको नेगेटिभ आएको थियो ।