क्यामरुन र बुर्किना फासो सेमिफाइनलमा

आयोजक क्यामरुन र बुर्किना फासो अफ्रिका कप अफ नेसन्स फुटबलको सेमिफाइनलमा प्रवेश गरेको छ । शनिबार राति भएको खेलमा क्यामरुनले गाम्वियालाई २–० गोलले हरायो । अर्को खेलमा बुर्किना फासोेले ट्युनिसियालाई १–० गोलले स्तब्ध बनायो ।

रंगशालामा विमलले ल्याएको खुशी

अनुशासनको कारबाही र घुँडाको चोटका कारण तीनबर्ष मैदान बाहिर रहेका विमल घर्तीमगरले राष्ट्रिय टोलीमा पुनरागमनसँगै निर्णायक गोल गरेपछि मोरिससविरुद्धको पहिलो मैत्रीपूर्ण खेलमा नेपाल विजयी भएको छ ।

मनाङलाई हराउँदै एपिएफ च्याम्पियन

२०औँ संस्करणको आहा रारा गोल्डकप फुटबलको उपाधि विभागीय टोली एपिएफ क्लबले जितेको छ । पोखरा रंगशालामा शनिबार भएको फाइनलमा एपिएफले ६ पटकको च्याम्पियन मनाङ मर्स्याङ्दी क्लबलाई टाईब्रेकरमा ५–४ गोलले हरायो ।

मोरिससविरुद्ध नेपालको जित : विमलको निर्णायक गोल

घरेलु मैदानमा भएको मैत्रीपूर्ण खेलमा मोरिससविरुद्ध नेपाल १–० ले विजयी भएको छ। नेपालका लागि विमल घर्तीमगरले खेलको ५४ मिनेटमा निर्णायक गोल गर्नुभयो। शनिबार दशरथ रंगशालामा पहिलो हाफ गोलरहित बराबरी खेलेको मोरिससविरुद्ध अन्जन विष्टको पासमा विमलले गोल गर्नुभएको हो।

विमल घर्ती मगरले गरेको एक मात्र गोलले नेपाल विजयी

विमल घर्ती मगरले गरेको एक मात्र गोलमा पहिलो मैत्रीपूर्ण खेलमा नेपालले मोरिससलाई १–० ले हराएको छ । शनिबारदशरथ रंगशालामा भएको खेलमा ५४ औं मिनेटमा अन्जन विष्टको पासमा विमल घर्ती मगरले गोल गर्नुभएको थियो । २६ महिनापछि राष्ट्रिय टिममा फर्केका विमलले पुनरागमन गरेको पहिलो खेलमै गोल गर्नुभएको हो ।

बार्टी अष्ट्रेलियन ओपन च्याम्पियन

ष्ट्रेलियन ओपन टेनिसको महिला एकलतर्फको उपाधि विश्व नम्बर एक वरियताकी अष्ट्रेलियन खेलाडी अस्लेइग बार्टीले जित्नुभएको छ । मेलवर्नमा शनिबार भएको फाइनलमा बार्टीले अमेरिकी खेलाडी डेनियल कोलिन्सलाई ६–३, ७–६ (७–२) ले हराउँदै च्याम्पियन बन्नुभएको हो ।

दुवै मैत्रीखेल जित्ने नेपालको दावी

अफ्रिकी देश मोरिससविरुद्ध पहिलो खेलमा नेपालले शनिबार (आज) दशरथ रंगशालामा प्रतिस्पर्धा गर्दैछ । साँझ ४ः४५ बजे हुने खेलमा नेपालले स्पस्ट जितको अपेक्षा राखेको नेपाली टोलीका सहायक प्रशिक्षक किरण श्रेष्ठ र कप्तान किरण चेम्जोङले बताउनुभएको छ ।

फिफा विश्वकप छनोट : भेनेजुएला र पेरु विजयी

कतार फिफा विश्वकप २०२२ अन्तर्गत दक्षिण अमेरिकी देशको छनोट खेलमा भेनेजुएला र पेरु विजयी भएका छन् । शनिबार बिहान भएको खेलमा भेनेजुएलाले घरेलु मैदानमा १० खेलाडीमा समेटिएको बोलिभियालाई ४–१ गोलले हरायो । अर्को खेलमा पेरुले कोलम्वियालाई १–० गोलले स्तब्ध बनायो ।

सन्दीप र ज्ञानेन्द्रसहित पाँच खेलाडी श्रेणी ‘ए’ मा

नेपाल क्रिकेट संघ (क्यान) ले कप्तान सन्दीप लामिछाने र ज्ञानेन्द्र मल्लसहित पाँच जना खेलाडीलाई सन् २०२२ को केन्द्रीय सम्झौतामा श्रेणी ‘ए’ मा राख्ने निर्णाय गरेको छ । क्यानको बिहीबार बसेको बैठकले पुरुष र महिलातर्फ समान १८ खेलाडीलाई ‘ए’ ‘बी’ र ‘सी’ श्रेणीमा विभाजन गरी केन्द्रीय सम्झौतामा राख्ने निर्णय गरेको हो ।

बार्टी र कोलिन्स फाइनलमा

विश्व नम्बर एक वरियताकी अष्ट्रेलियन खेलाडी अस्लेइग बार्टी र अमेरिकी खेलाडी डेनियल कोलिन्स अष्ट्रेलियन ओपन टेनिसको फाइनलमा प्रवेश गर्नुभएको छ ।

आर्मीलाई टाईब्रेकरमा हराउँदै मनाङ फाइनलमा

विभागीय टोली त्रिभुवन आर्मी क्लबलाई टाईब्रेकरमा हराउँदै मनाङ मर्स्याङ्दी क्लब पोखरामा जारी २०औँ संस्करणको आहा रारा गोल्डकप फुटबल प्रतियोगिताको फाइनलमा प्रवेश गरेको छ । पोखरा रंगशालामा बिहीबार भएको खेलमा मनाङले आर्मीलाई टाईब्रेकरमा ४–३ गोलले स्तब्ध बनायो ।

खेलकुदको अन्योलता हटाउन कर्मचारीको आग्रह

राष्ट्रिय खेलकुद परिषद् (राखेप) कर्मचारी संघले खेलकुद परिषद्मा पैदा भएको अन्योलता छिटो हटाउन आग्रह गरेको छ । संघले बुधबार पत्रकार सम्मेलनगरी राखेप दुई महिनादेखि सदस्यसचिव विहिन बन्दा राखेपको सामान्य कामकारबाही ठल्प भएको भन्दै चिन्ता ब्यक्त गरेको हो ।

अख्तियारद्वारा हरि खड्काविरुद्ध विशेष अदालतमा मुद्दा दायर

नेपाली राष्ट्रिय फुटबल टोलीमा पूर्व कप्तान हरि खड्काविरुद्ध अख्तियार दुरुपयोग अनुसन्धान आयोगले बिशेष अदालतमा बुधबार मुद्दा दायर गरेको छ । हाल अखिल नेपाल फुटबल संघ (एन्फा) अन्तर्गत महिला विभागका प्रमुख समेत रहनुभएका खड्कामाथि नक्कली शैक्षिक योग्यताको प्रमाणपत्र पेश गरेको आरोप लागेको छ ।

मच्छिन्द्रलाई हराउँदै एपिएफ फाइनलमा

विभागीय टोली नेपाल एपिएफ क्लब पोखरामा जारी २०औँ संस्करणको आहा रारा गोल्ड कप फुटबलको फाइनलमा प्रवेश गरेको छ । पोखरा रंगशालामा बुधबार भएको खेलमा एपिएफले १० खेलाडीमा सीमित मच्छिन्द्र क्लबलाई ३–१ गोलले हरायो ।

नेपाल सुपर लिग फुटबल चैतमा

दोस्रो संस्करणको फ्रेन्चाईज फुटबल ‘नेपाल सुपर लिग (एनएसएल)’ चैतमा हुने भएको छ । आयोजक नेपाल स्पोर्ट्स एण्ड इभेन्ट्स म्यानेजमेन्ट (एनएसइएम) ले बुधबार प्रेश विज्ञप्ती जारी गर्दै लिग चैत २६ देखि जेठ ७ गतेसम्म सञ्चालन गर्ने जानकारी दिएको हो ।