प्रधानमन्त्री कप क्रिकेट : उद्घाटन खेलमा आर्मी र कर्णाली भिड्ने

प्रधानमन्त्री कप राष्ट्रिय टी–२० क्रिकेट प्रतियोगिता सोमबारदेखि काठमाडौँमा सुरु हुँदैछ । त्रिवि मैदान कीर्तिपुरमा हुने उद्घाटन खेलमा विभागीय टोलीको त्रिभुवन आर्मी क्लब र कर्णाली प्रदेशबीच प्रतिस्पर्धा हुनेछ । सोमबारनै अर्को खेलमा एपिएफ क्लब र प्रदेश २ भिड्दैछन् ।

एभरेष्ट मार्शल आर्ट्सका खेलाडीलाई पोशाक प्रदान

एभरेष्ट मार्शल आर्ट्स क्लबका खेलाडीका लागि २५ जोर ट्रयाक सुट सहयोग प्रदान गरिएको छ ।

चेल्सी र लेस्टर एफए कपको चौथो चरणमा

चेल्सी र लेस्टर सिटी एफए कप फुटबलको चौथो चरणमा प्रवेश गरेका छन् । घरेलु मैदानमा शनिबार राति भएको खेलमा चेल्सीले दोस्रो श्रेणी क्लब चेस्टरफिल्डलाई ५–१ गोलले हरायो । अर्को खेलमा लेस्टरले प्रिमियर लिग प्रतिद्वन्द्वी वाटफोर्डलाई ४–१ गोलले स्तब्ध बनायो ।

रियलले जित्दा बार्सिलोना बराबरीमा रोकियो

स्पेनिस ला लिगामा शीर्षटोली रियल म्याड्रिडले फराकिलो जित निकाल्दा बार्सिलोना बराबरीमा रोकिएको छ । शनिबार राति भएको खेलमा रियलले भ्यालेन्सियालाई ४–१ गोलले हरायो । अर्को खेलबा १० खेलाडीमा समेटिएको बार्सिलोनाले ग्रानाडासँग १–१ गोलको बराबरी खेल्दै अंक बाँडेको हो ।

दिनेशको गोलमा आर्मी विजयी

विभागीय टोली त्रिभुवन आर्मी क्बलले शहिद स्मारक ‘ए’ डिभिजन लिगमा न्यूरोड टिम (एनआरटी) क्लबमाथि कठिन जित निकालेको छ । दशरथ रंगशालामा शनिबार साँझ भएको खेलमा आर्मीले एनआरटीलाई १–० गोलले हरायो ।

‘आमाको इच्छाले बनें फुटबलर’

नेपाली राष्ट्रिय महिला फुटबल टोलीमा एक समय रौतहटको दबदबा थियो । रौतहटको त्यही फुटबल माहोलबाट उठ्नुभएकी अनु लामाले नेपाली महिला फुटबलमा तहल्का नै मच्चाउनु भयो । पूर्वकप्तान अनु सावित्रा भण्डारीपछि सर्वाधिक गोल गर्ने खेलाडी हुनुहुन्छ । यसअघि अनुको नाममा राष्ट्रिय टोलीबाट ३५ गोलको कीर्तिमान थियो । १३ औँ दक्षिण एसियाली खेलकुद (साग) पछि अनुको नाममा रहेको उक्त कीर्तिमान भण्डारीले तोड्नु भएको हो ।

पोखरामा मनाङको गोलबर्षा

शहिद स्मारक ‘ए’ डिभिजन लिगमा मनाङ मर्स्याङ्दी क्लबले च्यासल सुथ क्लबमाथि गोलबर्षा गरेको छ । पोखरा रंगशालामा शनिबार भएको खेलमा मनाङले च्यासललाई ५–० गोलले हरायो ।

टाइम्सलाई अनमोल स्मृति बास्केटबल उपाधि

प्रथम अनमोल स्मृति पुरुष खुला बास्केटबल प्रतियोगिताको उपाधि टाइम्सले जितेको छ । अपराजित रहँदै टाइम्स च्याम्पियन बनेको हो । चण्डोलस्थित विशाल मिलन केन्द्र (बीएमके) को कोर्टमा शनिबार भएको फाइनलमा टाइम्सले रोयललाई ७०–६७ ले हरायो ।

मच्छिन्द्रलाई फ्रेन्ड्सको आत्मघाती गोल उपहार

शहिद स्मारक ‘ए’ डिभिजन लिगको उपाधि दौडमा रहेको मच्छिन्द्र क्लबले रेलिगेसनको दबाबमा रहेको फ्रेन्ड्स क्लबमाथि कठिन जित निकालेको छ । दशरथ रंगशालामा शनिबार भएको खेलमा मच्छिन्द्रले फ्रेन्ड्सलाई १–० गोलले हरायो ।

एफए कपमा सिटीको सानदार जित

इङ्लिस प्रिमियर लिगको शीर्षटोली म्यानचेस्टर सिटी एफए कप फुटबलको चौथो चरणमा प्रवेश गरेको छ । शुक्रबार राति भएको खेलमा सिटीले दोस्रो श्रेणीको क्लब स्विनडोन टाउनलाई ४–१ गोलले हरायो ।

एन्फा निर्वाचन जेठमा

अखिल नेपाल फुटबल संघ (एन्फा) कार्यसमीतिको निर्वाचन २०६९ साल जेठ १५ गते हुने भएको छ । एन्फा कार्यसमीतिको बिहीबार र शुक्रबार बसेको बैठकले एन्फा निर्वाचन जेठमा गर्ने निर्णय गरेको हो ।

एलपीएललाई डिस होमको साथ

धनगढीमा अगामी माघ २२ गते बाट आयोजना हुने विद्यालय स्तरीय राष्ट्रिय क्रिकेट प्रतियोगिता लिटल फ्लावर प्रिमियर लिग (एलपीएल) ६ लाई डिस मिडिया नेटवर्क लिमिटेडले प्रायोजन गरेको छ ।

जावलाखेल र एपीएफले अंक बाँडे

शहिद स्मारक ‘ए’ डिभिजन लिगमा जावलाखेल युथ क्लब र एपीएफ क्लबले गोलरहित बराबरी खेल्दै अंक बाँडेका छन् । दशरथ रंगशलामा शुक्रबार भएको खेलमा दुवै टोलीले गोल गर्ने अवसर बनाएपनि सदुपयोग गर्न सकेनन् ।

केटीएम रन माघमा

केटीएम रन माघ १५ गते आयोजना हुने भएको छ । शेर्पा आउटडोरको केटीएम सिटीले शुक्रबार काठमाडौँमा पत्रकार सम्मेलनगरी रनको मिति सार्वजनिक गरेको हो । १० किलोमिटरको रनमा महिला र पुरुष दुई स्पर्धा समावेश गरिएको केटीएम रनका ब्यवस्थापक आशिष पौडेलले जानकारी दिनुभयो ।

संकटा र सातदोवाटोको बराबरी

संकटा क्लब र सातदोवाटो युथ क्लब कतार एयरवेज शहिद स्मारक ‘ए’ डिभिजन लिग फुटबलमा बराबरी खेल्दै अंक बाँडेका छन् । दशरथ रंगशालामा शुक्रबार भएको खेलमा १–१ गोलको बराबरी खेल्दै अंक बाँडेका छन् ।