धनुषामा चैते धानको उत्पादन क्षेत्र बढ्दै

धनुषामा यस वर्ष चैते धान उत्पादनमा वृद्धि हुने भएको छ । सिँचाइको उपयुक्त व्यवस्था तथा अनुदानमा धानको बीउ उपलब्ध गराएपछि जिल्लामा गत वर्षको तुलनामा यस वर्ष चैते धान उत्पादनमा वृद्धि हुने भएको हो ।

अनुदानमा मौरीघार वितरण

मौरीपालक किसानलाई व्यावसायिक बनाउने उद्देश्यका साथ रुकुम पश्चिमको मुसीकोट नगरपालिकामा गोलासहितको मौरीघार वितरण गरिएको छ । नगरपालिकाको कृषि विकास शाखाले मौरीका गोलासहितको मौरीघार वितरण गरेको हो । नगरपालिकाका १४ वटै वडाका ४२ जना कृषकलाई गोलासहितको मौरीघार अनुदानमा उपलब्ध गराएको हो ।

बाह्य क्षेत्र व्यवस्थापनमा सुधार

नेपाल राष्ट्र बैङ्कका गभर्नर महाप्रसाद अधिकारीले बाह्य क्षेत्र व्यवस्थापनमा सुधार हुन थालेको बताउनुभएको छ । बाह्य क्षेत्र व्यवस्थापनका निम्ति अवलम्बन गरिएका नीतिगत व्यवस्थाका कारण केही सुधार देखिएको जानकारी गराउँदै उहाँले बाह्य परिस्थितिले जोखिम अझै रहेको बताउनुभयो ।

‘मोडालिटी’बारे परामर्श सुरू

लामो उल्झनपछि राष्ट्रिय गौरवको एक हजार २०० मेगावाट क्षमताको जलायशयुक्त बूढीगण्डकी जलविद्युत् आयोजना निर्माणमा सरकार आफैँ अग्रसर भएको छ । चिनियाँ कम्पनी चाइना गेजुवा ग्रुप अफ कम्पनीजलाई दिनेगरी २०७५ असोज ५ गतेको मन्त्रिपरिषद् बैठकको निर्णय खारेज गर्दै बिहीबारको मन्त्रिपरिषद् बैठकले यो आयोजना सरकारले नै बनाउने तय गरेको हो । मन्त्रालय सम्हालेलगत्तै नै गेजुवाको कामप्रति असन्तुष्ट रहँदै सो आयोजना सरकारी तवरमै...

उद्यमशीलताबाट समृद्धि

शिक्षा, विज्ञान तथा प्रविधिमन्त्री देवेन्द्र पौडेलले सहकारीको पुँजी र जनशक्तिलाई मुलुकको समृद्धितर्फ लैजान सकिने बताउनुभएको छ । त्यसका लागि नीतिगत तथा कानुनी अड्चन समाधान गर्न सक्दो सहयोग गर्ने प्रतिबद्धता उहाँले व्यक्त गर्नुभयो । राष्ट्रिय सहकारी महासङ्घ नेपालको आयोजनामा शुक्रबारदेखि राजधानीमा सुरु भएको ‘नेसनल युथ फोरम ः कोअपरेटिभ अन्ट्रपेनियरसिप २०२२’मा मन्त्री पौडेलले उद्यमशीलता विकास गरेर समृद्धिको...