उपत्यकामा दुईसहित थप ६२९ सङ्क्रमित, कुल सङ्क्रमित दश हजार ७२८ पुग्याे

पछिल्लो २४ घण्टामा नेपालमा थप ६२९  जनामा कोरोना सङ्क्रमण पुष्टि भएको छ । थप सङ्क्रमितमध्ये ११०  जना पुरुष र ५१९  जना महिला रहेका छन् । काठमाडाैंका एक पुरूष र भक्तपुरका एक महिलालाई पनि कोरोना लागेको पुष्टि भएको छ ।  

कास्कीसहित गण्डकीमा थपिए ३२ सङ्क्रमित, प्रदेशभर कुल ७२९ सङ्क्रमित

गण्डकी प्रदेशमा कास्कीसहित आठ जिल्लामा ३२ जनामा कोरोना पुष्टि भएको छ । योसँगै कोरोना सङ्क्रमितको सङ्ख्या ७२९ पुगेको छ । प्रदेश क्षयरोग केन्द्र, पोखरा र भरतपुर अस्पताल, चितवनमा गरिएको परीक्षणको बुधबार बिहानको पछिल्लो विवरण अनुसार बाग्लुङमा नाै ,स्याङ्जामा सात, लमजुङमा पाँच, पर्वतमा एक, कास्कीमा पाँच, गोरखामा एक जना, नवलपुरमा तीन र तनहुँ एक जनामा कोरोना पुष्टि भएको निर्देशनालयले जनाएको छ ।

दाङका एक दम रोगीले जिते कोरोना   

कोरोना भाइरस सङ्क्रमणले विश्व नै प्रभावित भइरहेका बेला दाङका एक ७० वर्षीयले कोरोना जित्नुभएको छ । लामो समयदेखि दम रोगको समस्याबाट ग्रसित बंगलाचुली गाउँपालिका –१ का वृद्ध कोरोना जितेर घर फर्कनुभएको हो ।    

थप ५३८ सङ्क्रमित, कुल दश हजार ९९, थप एककाे मृत्यु

पछिल्लो २४ घण्टामा नेपालमा थप ५३८ जनामा कोरोना सङ्क्रमण पुष्टि भएको छ । थप सङ्क्रमितमध्ये ४४८ जना पुरुष र ९० जना महिला रहेका छन् । योसँगै नेपालमा कुल सङ्क्रमित सङ्ख्या पुगेको दश हजार ९९ स्वास्थ्य तथा जनसङ्ख्या मन्त्रालयले मङ्गलबार गरेकाे पत्रकार सम्मेलनमा प्रवक्ता प्रा.डा. जागेश्वर गौतमले जानकारी दिनुभयाे ।

डब्लुएचओ प्रमुखको चेतावनीः महामारीलाई राजनीतिकरण नगर्नुस्

विश्व स्वास्थ्य सङ्गठन (डब्लुएचओ) का प्रमुखले महामारीलाई राजनीतिकरण नगर्न चेतावनी दिनुभएको छ । “विश्व नेताहरूले कोरोनाभाइरससँगै उत्पन्न महामारीलाई राजनीतिकरण गर्न पाउनुहुन्न, बरु एकताबद्ध भएर लड्नुपर्छ,” डब्लुएचओ प्रमुख टेड्रोस अधानोम गेबे्रयोसुसले सोमबार भन्नुभयो ।