बाढीले बगाउँदा कैलालीमा दुई मजदुर बेपत्ता

वर्षासँगै आएको बाढीले बगाउँदा कैलालीको चुरेको खोला छेउमा पाल टाँगेर बसेका दुई मजदुर बेपत्ता भएका छन् । जिल्लाको चुरे गाउँपालिका वडा नम्बर १ को पातले खोलामा गएराति दुई बजेको समयमा अविरल वर्षासँगै आएको बाढीले बगाउँदा सहजपुर–बोगटान सडकखण्डमा मजदुरी गर्दै आएका दुई मजदुर बगेर बेपत्ता भएको प्रहरीले बताएको छ ।

महोत्तरीमा कोरोना सङ्क्रमितलाई राख्न आइसोलेसन कक्षको अभाव

महोत्तरी जिल्लामा कोरोना भाइरसबाट सङ्क्रमित हुनेको सङ्ख्या बढेसँगै सङ्क्रमितलाई राख्न आइसोलेसन कक्षको अभाव भएको छ । जिल्ला सदरमुकाम जलेश्वरस्थित जिल्ला अस्पतालमा कुल ५० सङ्क्रमित राख्ने आइसोलेसन कक्ष स्वीकृत भए पनि सङ्क्रमित थपिएपछि हाल १५ जना मात्र अट्ने कक्ष बनाइएको छ । कोरोनाबाट सङ्क्रमितको सङ्ख्या २३ र आरडिटीबाट ३७ जना गरी ६० पुगेको छ । पीसीआरका १९ जना र आरडिटी नौ जना गरी २८ सङ्क्रमित उपचारका लागि जलेश्वरस्थित...

दैलेखको स्वास्थ्य सेवा कार्यालयको आकस्मिक कक्ष सिल

जिल्ला स्वास्थ्य कार्यालय, दैलेखको आकस्मिक कक्ष सिल गरिएको छ । भारतबाट आएका एक युवा क्वारेन्टाइनबाट भागेर स्वास्थ्य कार्यालय, दैलेखको इमरजेन्सी वार्डमा आफूलाई ज्वरो आएको भन्दै गएको र उपचार गराएपछि पछि उनको आरडीटी परीक्षण गर्दा पोजेटिभ देखिएपछि इमरजेन्सी वार्ड सिल गर्नुपरेको जिल्ला प्रशासन कार्यालय, दैलेखले जानकारी दिएको छ । उहाँ २२ वर्षीय पुरुष मधुमेह रोगका बिरामी रहेछन् ।

गण्डकीमा कोरोना सङ्क्रमितको सङ्ख्या २४ पुग्यो

गण्डकी प्रदेशमा कोरोना भाइरस कोभिड -१९ सङ्क्रमितकाे सङ्ख्या २४ पुगेको छ । गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माका अनुसार आइतबारसम्म गण्डकी प्रदेशका ६ जिल्लाका २४ जनामा कोभिड १९ को सङ्क्रमण पुष्टि भएको छ । गण्डकी प्रदेशका ११ जिल्ला मध्य बागलुङमा ८ जना, स्याङ्जामा ७ जना, नवलपरासीमा ६ जना, तनहुँमा १, म्याग्दीमा १ र लमजुङमा १ जनालाई कोरोना संक्रमण पुष्टी भएको हो । संक्रमित...

कोरोना सङ्क्रमित गर्भवती महिला चार दिनमा नै निको भएर डिस्चार्ज

कोराना सङ्क्रमित भएर भरतपुर अस्पतालमा भर्ना भएकी एक गर्भवती महिलामा कोरोना परीक्षण नेगेटिभ आएपछि आइतबार डिस्चार्ज गरिएको छ । गत बुधबार हेटौँडामा कोरोना सङ्क्रमण पोजिटिभ देखिएकी महिलाको दोस्रो पटकको पीसीआर परीक्षण गर्दा नेगेटिभ आएको थियो । शुक्रबार र शनिबार भएको परीक्षणमा नेगेटिभ आएपछि महिलाको श्रीमानलाई जिम्मा लगाएर आइतबार डिस्चार्ज गरेको अस्पतालका सूचना अधिकारी लिलाधर पौडेलले जानकारी दिनुभयो ।

पाँच जिल्लाका १२३ जनामा कोरोना पुष्टि, एकको मृत्यु

नेपालमा कोरोना पुष्टि भएको दुई महिनासम्म कर्णाली प्रदेश कोरोनारहित थियो । जब जेठ ३ गतेदेखि भारतमा रहेका नेपालीहरू आउन थाले, त्यसपछि कर्णालीमा कोरोना पुष्टि हुने क्रम बढ्दै गएको छ । जेठ ४ गते कर्णालीमै पहिलो पटक दैलेख आठबीस नगरपालिकाका एक युवकलाई कोरोना पुष्टि भयो । त्यसपछि धमाधम कोरोना सङ्क्रमितहरूको सङ्ख्या बढिरहेको छ । आइतबार बिहानसम्म कर्णालीमा १२३ जनामा कोरोना पुष्टि भएको छ । दश जिल्ला रहेको कर्णालीका पाँच...

आइसोलेसनमा भर्ना भएकी दुई वर्षीया बालिकाको मृत्यु

जिल्ला अस्पताल, बाजुराको आइसोलेसनमा भर्ना भएकी दुई वर्षीया बालिकाको मृत्यु भएको छ । बूढीगङ्गा नगरपालिका वडा –१ बस्ने दुई वर्षकी बिरामी बालिकाको जिल्ला अस्पतालको आइसोलेसन बेडमै मृत्यु भएको जिल्ला अस्पताल, बाजुराले जनाएको छ । मृतक बालिकालाई आमाबुवाका साथ ८ दिनअघि भारतबाट नेपालमा आउने क्रममा नै उच्च ज्वरो, स्वासप्रश्वासमा कठिनाइ,  झाडापखाला, बान्ता हुने र पेट दुख्ने समस्या भएकाे बताइएकाे छ ।

लकडाउनबीच यसरी ठडिँदैछ न्यातपोल (तस्बिरमा हेर्नुहोस्)

वि. सं. २०७२ को गोरखा भूकम्पबाट क्षति पुगेको भक्तपुरको ऐतिहासिक न्यातपोल (पाँचतले मन्दिर)को पुनःनिर्माण कार्य धमाधम भइरहेकाे छ । झण्डै ३१९ वर्ष पुग्नै लागेको मन्दिरको जिर्णाेद्धार कार्य २०५२ देखि शुरु गरी २०५४ सालमा सम्पन्न भएको थियो । सोही कारणले २०७२ सालको भूकम्पबाट सो मन्दिरमा धेरै क्षति पुगेन । हाल मन्दिरको पाँचौ र चौथो तल्लाको काम सम्पन्न गरेर तेस्रो तल्लाको छाना छाउने काम भइरहेको छ ।

संविधान संशोधन विधेयक पेश

प्रतिनिधिसभा बैठकमा संविधान संशोधन–२०७६ (दोस्रो संशोधन) विधेयक पेश गरिएको छ । कानुन, न्याय तथा संसदीय मामिला मन्त्री शिवमाया तुम्बाहाङ्फेले संसदमा विधेयक पेश गर्नुभएको हो । गत जेठ १० गते दर्ता भएको संविधान संशोधन विधेयक मन्त्री तुम्बाहाङ्फेले पेश गर्नुभएको हो ।

डडेल्धुरामा क्वारेन्टाइनमा बसेका बालकको मृत्यु

डडेल्धुरामा क्वारेन्टाइनमा राखिएका एक बालकको मृत्यु भएको छ । मृत्यु हुनेमा जिल्लाको नवदुर्गा गाउँपालिका - ३ का साढे छ वर्षीय बालक रहेका छन् । शनिबार राति १२ बजेतिर जिल्ला सदरमुकाम नजिकै रहेको डडेल्धुरा बहुमुखी क्याम्पसको क्वारेन्टीनमा राखिएका बालक मृत्यु भएको डडेल्धुराका प्रहरी नायब उपरीक्षक दधिराम न्यौपानेले बताउनुभयो । उहाँका अनुसार आमाबाबुसँगै उहाँ भारतको मुम्बईबाट गौरीफन्टा नाका हुँदै डडेल्धुरा पुगेका...