मृतक चारमध्ये दुई जनाको सनाखत

पूर्व–पश्चिम राजमार्ग अन्तर्गत सर्लाहीको फूलजोरमा आइतबार भएको बस दुर्घटनामा मृत्यु भएका चार जनामध्ये दुई जनाको सनाखत भएको छ । वीरगञ्जबाट जनकपुरका लागि हिडेको ना ४ ख ८५५५ नम्बरको यात्रुबाहक बस आइतबार बिहान ११ बजेतिर लालबन्दी नगरपालिका र ईश्वरपुर नगरपालिकाको सीमामा पर्ने फूलजोर खोलाको पुलबाट तल खसेर दुर्घटना हुँदा चार जनाको मृत्यु भएको थियो ।

दार्चुलाका ६० प्रतिशत घरधुरीमा बलेन बिजुली

दार्चुलाका ६० प्रतिशत परिवार अझै पनि विद्युतको पहुँचबाट बाहिर छन् । २०७८ सालको जनगणनाको प्रारम्भिक तथ्यांकअनुसार दार्चुलामा २९ हजार १८६ घरपरिवारको बसोबास छ । जसमध्ये ६० प्रतिशत अर्थात १७ हजार घरधुरीमा अझै राष्ट्रिय प्रसारण लाइनको बिजुली बलेको छैन् । जिल्लाभरीका करिब १३ हजार परिवारको पहुँचमा राष्ट्रिय प्रसारण लाइनको बिजुली पुगेको नेपाल विद्युत प्राधिकरण विद्युत वितरण केन्द्र दार्चुलाका प्रमुख मोहनदेब जोशीले...

एमाले स्थायी कमिटी बैठक सुरु

प्रमुख प्रतिपक्षी दल नेकपा एमालेको स्थायी कमिटीको बैठक सुरु भएको छ। एमालेको पोलिट्ब्यूरो, केन्द्रीय कमिटीको बैठकले गरेका निर्णयको कार्यान्वयन सम्बन्धमा स्थायी कमिटी बैठकमा छलफल हुँदैछ। चिनियाँ विदेशमन्त्री वाङ यी सँगको भेटमा भएको कुराकानीबारे ब्रिफिङ गर्नुहुँदै पार्टी अध्यक्ष केपी ओलीले स्थायी कमिटीको बैठक प्रारम्भ गर्नुभएको हो।

आलीमै वार्षिक एक हजार मेट्रिक टन रहर दाल उत्पादन

धनुषा जिल्लामा खेतको आलीमै रोपिएको रहर दालको बोटबाट यसवर्ष एक हजार मेट्रिक टन रहर दाल उत्पादन हुने अनुमान गरिएको छ । कृषि ज्ञान केन्द्र धनुषाको तथ्याङ्कअनुसार जिल्लामा अघिल्लो वर्षमा पनि यही अनुपातमा रहर दाल उत्पादन भएको थियो ।

१० तस्बिरमा चिनियाँ विदेशमन्त्री वाङको नेपाल भ्रमण

तीन दिने नेपाल भ्रमण सकेर चिनियाँ विदेशमन्त्री वाङ यी आइतबार स्वदेश फर्किनुभएको छ। शुक्रबार साँझ पाँच बजे काठमाडौं आइपुग्नुभएका वाङ आइतबार दिउँसो स्वादेश फर्किनुभएको हो। नेपाल भ्रमणका क्रममा वाङको प्राथमिकता राजनीतिक भेटवार्तामै केन्द्रित रहयो। शिष्टाचार भेट र छलफलसँगै उहाँले केही सम्झौतामा हस्ताक्षर गर्नुभएको छ।

सडकमार्गसँग जोडियो रातामाटा, गाउँबासीमा खुसीयाली

दार्चुलाको लेकम गाउँपालिकाको केन्द्र रातामाटामा सडक पुगेको छ । गाउँपालिकाले आफ्नै स्काभेटर मेसिन प्रयोग गरेर गोकुलेश्वर–लाली सडकबाट बगौरा–रातामाटा सडकखण्ड निर्माण गरेर रातामाटामा सडक पुगेपछि स्थानीय खुशी हुनुभएको हो ।

ज्यान मारेको आरोपमा तीन जना पक्राउ

ज्यान मारेको आरोपमा ओखलढुङ्गाको लिखु गाउँपालिकाका तीन जनालाई प्रहरीले पक्राउ गरेको छ । लिखु गाउँपालिका –२ का राजेन्द्र खड्का वडा ४ का मकरे भन्ने धनबहादुर सार्की र सोही वडाका रुपबहादुर मग्रातीलाई प्रहरीले शनिबार पक्राउ गरेको हो ।

स्रोत नखुलेको ११ लाखभन्दा बढी रकम बरामद

सशस्त्र प्रहरी बल सिराहाले शनिवार साँझ ११ लाखभन्दा बढी स्रोत नखुलेको रकमसहित एक जनालाई पक्राउ गरेको छ । सीमावर्ती भारतीय बजारबाट लाहानतर्फ ल्याइरहेको सो रकम सशस्त्र प्रहरी बल नं. २ छिन्नमस्ता बाहिनी बर्दिबास महोत्तरी र सशस्त्र प्रहरी वल नं. ७ गण हेडक्वार्टर सिरहाबाट खटिएको सशस्त्र प्रहरीको टोलीले रकम बरामद गरेको हो ।

काँग्रेस हुम्लाको विवाद सल्टियो

नेपाली काँग्रेसको हुम्ला जिल्लाको सातौ जिल्ला अधिबेशनबाट चुलिएको बिबाद समाधान भएको छ । पार्टीको संस्थापन र इतर समुहबिच पार्टीलाई एक ढिक्का बनाएर लैजाने सहमति दुई पक्षबीच भएपछि समानन्तर समिति पनि भङ्ग भएको छ ।

धर्मश्री विजेतालाई १० लाख

१६औँ संस्करणको धर्मश्री शारीरिक सुगठन प्रतियोगिता वैशाख २३ र २४ गते काठमाडौँमा हुने भएको छ । नेपाल व्यायाम मन्दिर ज्याठाको आयोजनामा हुने प्रतियोगिताको विजेतालाई १० लाख रुपियाँ पुरस्कार प्रदान गरिने आइतबार आयोजित पत्रकार सम्मेलनमा ब्यायाम मन्दिरका अध्यक्ष नारायण प्रधानले जानकारी दिनुभयो ।