साढे ३८ लाखको चामल बिक्री

सरकारी स्वामित्वमा सञ्चालित खाद्य, व्यवस्था तथा व्यापार कम्पनी लिमिटेडले करिब साढे ३८ लाख बराबरको चामल बिक्री वितरण गरेको छ । यही असोज १ गतेदेखि सञ्चालन गरिएको सहुलियत पसलबाट रु. ३८ लाख ५९ हजार बढीको चामल बिक्री भएको हो । जम्मा ३९ जिल्लाका ४३ बिक्री केन्द्रबाट १८ सोमबारसम्म ५३० क्विन्टल चालम बिक्री भएको कम्पनीका सूचना अधिकारी शर्मिला न्यौपानेले जानकारी दिनुभयो ।

मध्य भोटेकोशीको आइपिओ बिक्री खुला 

मध्य भोटेकोशी जलविद्युत् कम्पनी लिमिटेडले सर्वसाधारणका लागि प्राथमिक सार्वजनिक निष्कासन (आइपिओ) बिक्री खुल्ला गरेको छ । कम्पनीले कुल रु. ९० करोड बराबरको रु. एक सय अङ्कित मूल्यका ९० लाख कित्ता शेयर आजदेखि निष्कासनमा ल्याएको हो ।    

 ४०० ले घट्यो सुनको मूल्य

नेपाली बजारमा आज सुनको मूल्य प्रतितोला रु ४०० ले घटेको छ । छापावाल सुन मङ्गलबार प्रतितोला रु ९० हजार ३०० मा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार छापावाल सुनको मूल्य प्रतितोला रु ८९ हजार ९०० तोकिएको छ । त्यस्तै तेजाबी सुन आज प्रतितोला रु ८९ हजार ४५० मा कारोबार हुनेछ जुन सोमबार प्रतितोला रु ८९ हजार ८५० मा कारोबार भएको थियो ।

उद्योगी व्यवसायीको गुनासो: विद्युत् छ, उपयोगी छैन

विद्युत् प्रसारण लाइन कमजोर भएका कारण सुनसरी–मोरङ औद्योगिक करिडोरका उद्योगमा ‘ट्रिपिङ’ नोक्सानी बढेको भन्दै उद्योगी–व्यवसायीले चिन्ता व्यक्त गरेका छन् । ‘सर्किट चेन’ले भार थाम्न नसक्दा बारम्बार दोहोरिने ट्रिपिङले उत्पादनमा समस्या हुने गरेको उद्योगीहरूले गुनासो गरेका हुन् । मोरङ व्यापार सङ्घका अध्यक्ष प्रकाश मुन्दडाले प्रशस्त विद्युत् भएर पनि उपभोग गर्न नसकेको बताउनुभयो ।

पश्चिम सेतीः दर्जनौँपटक अनुगमन भयो, बन्ने छाँटकाँट देखिएन

सुदूरपश्चिम प्रदेशको गौरवको आयोजना पश्चिम सेती परियोजना निर्माणमा अझै अन्योलता कायमै छ । पश्चिम सेती निर्माणका लागि सरकारी क्षेत्रबाट विभिन्न अनुगमन तथा सुपरीवेक्षण गरिए पनि उक्त परियोजना बन्ने कुनै छाँटकाँट नदेखिएपछि यहाँका नागरिक अन्योलमा परेका हुन् । पश्चिम सेती निर्माणका सम्बन्धमा आयोजनास्थल अनुगमन तथा सुरपरीवेक्षणका लागि यही असोज २ गते राष्ट्रिय योजना आयोगका उपाध्यक्ष विश्वनाथ पौडेलको नेतृत्वमा लगानी...