२४ घण्टामा ११९ जनामा सङ्क्रमण, एकको मृत्यु

पछिल्लो २४ घण्टामा ११९ जनामा कोरोना सङ्क्रमण पुष्टि भएको छ । पाँच हजार २१८ जनाको पीसीआर परीक्षण गर्दा ११९ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

नेपालगञ्जमा दूरविनबाट पित्तथैलीको सफल शल्यक्रिया

नेपालगन्जमा पहिलो पटक दूरविन प्रविधिबाट पित्तथैलीको सफल शल्यक्रिया गरिएको छ । यसअघि बाँकेको कोहलपुरस्थित नेपालगञ्ज मेडिकल कलेजको शिक्षण अस्पतालमा मात्र हुँदैआएको सो शल्यक्रिया नेपालगञ्जस्थित कान्ति आरोग्य अस्पतालले पहिलो पटक सफल शल्यक्रिया गरेको हो ।

ओरालो लाग्दै कोरोना सङ्क्रमण, दश दिनदेखि पाँच प्रतिशतभन्दा तल

नेपालमा कोरोना सङ्क्रमणदर निकै तल झरेको छ । आइतबार २४ घण्टा नौ हजार ७१० जनाको परीक्षण गर्दा सङ्क्रमणदर १.१४ प्रतिशत मात्र कोरोना पुष्टि भएको छ । यो सङ्ख्या पुस महिना यताकै सबैभन्दा कम हो । स्वास्थ्य तथा जनसङ्ख्या मन्त्रालयको तथ्याङ्क केलाउँदा फागुनको ५ गतेदेखि नेपालमा कोरोना सङ्क्रमणदर पाँच प्रतिशतभन्दा तल झर्न थालेको देखिन्छ ।

फरक समूहको रगत दिँदा बिरामी अग्रवालको मृत्यु

लगातार खोकी लागेपछि उपचारार्थ उर्लाबारीस्थित गोदावरी हस्पिटल भर्ना हुनुभएका उर्लाबारी –६ का अनिल अग्रवाललाई फरक रक्त समूहको रगत दिंदा उहाँको मृत्यु भएको छ । फरक समूहको रगत शरीरमा चढाएपछि मृत्यु भएको अस्पतालले जनाएको छ । माघ ६ गते अस्पताल भर्ना भएका अग्रवालको माघ २६ गते उपचारका क्रममा मृत्यु भएको हो ।

कोभिड नियन्त्रण गर्न स्वास्थ्यकर्मीको भूमिका उल्लेखनीय

स्वास्थ्य तथा जनसङ्ख्यामन्त्री विरोध खतिवडाले कोभिड–१९ नियन्त्रण गर्न स्वास्थ्यकर्मीहरूले उल्लेख्य भूमिका निर्वाह गरेको बताउनुभएको छ । २४औँ राष्ट्रिय स्वास्थ्य सेवा दिवसका अवसरमा स्वास्थ्य मन्त्रालयमा आयोजित कार्यक्रममा उहाँले स्वास्थ्यकर्मीहरूले आफ्नो ज्यानको परवाह नगरी कोरोना नियन्त्रणमा खटेकोमा प्रशंसा गर्नुभयो ।