दैलेखका १०५ र मुगुका एक गरी १०६ जनामा सङ्क्रमण पुष्टि

कर्णाली स्वास्थ्य विज्ञान प्रतिष्ठान शिक्षण अस्पताल, जुम्लामा गरिएको पछिल्लो कोरोना परीक्षणमा थप १०६ जनामा सङ्क्रमण देखिएका छ । प्रतिष्ठानको प्रयोगशाला विभागले प्रकाशन गरेको नतिजा अनुसार दैलेखमा १०५ जनामा सङ्क्रमण देखिएकाे छ । मुगुमा पनि एक जनामा काेराेना सङ्क्रमण भएकाे छ । 

एसइईबारे एक साताभित्र निर्णय गरिने

शिक्षा, विज्ञान तथा प्रविधिमन्त्री गिरिराजमणि पोखरेलले माध्यमिक शिक्षा परीक्षा कक्षा १० (एसइई), कक्षा ११ र १२ को परीक्षाका बारेमा एक साताभित्र निर्णय गरिने जानकारी दिनुभएको छ । शिक्षा पत्रकार सञ्जाल (इजोन)ले आज आयोजना गरेको भर्चुअल संवादमा उहाँले ती परीक्षाका विषयमा विभिन्न तीन विकल्पमा अध्ययन भइरहेको र त्यसका बारेमा आगामी साताभित्र निचोडमा पुगिने बताउनुभयो ।

खुल्न थाले, काठमाडौँका मुख्य बजार (फोटो फिचर)

लकडाउनका कारण बन्द रहेकाे राजधानीको मुख्य बजार महाबौद्ध, न्यूरोड तथा असनका पसलहरू खुल्न थालेका छन् । बिहीबार बिहानैदेखि काठमाडौँकै मुख्य व्यापारिक केन्द्रको रुपमा रहेको न्युरोड, महाबौद्ध, ठमेल र असनको बजार सञ्चालनमा आएका हुन् ।  लामो समयपछि पसल खुल्न थालेसँगै यहाँ चलहपहलसमेत बढ्न थालेको छ । सडकमा मानिसको चहलपहल बाक्लो देखिन थालेको छ । सडकमा सवारी साधनको अावागमन पनि बाक्लो देखिएको छ ।

कोशी अस्पतालमा २७ जना सङ्क्रमणमुक्त, केहीबेरमा बिदाइ गरिँदै

विराटनगरस्थित कोशी कोभिड–१९ उपचार केन्द्रबाट २८ जना कोरोनामुक्त भएका छन् । दोस्रो परीक्षणमा कोरोना भाइरस (कोभिड–१९) नेगेटिभ देखिएपछि उनीहरूलाई डिस्चार्जको लागि चिकित्सकले सिफारिस गरेका हुन् ।

तटीय क्षेत्रका भन्दा उच्च क्षेत्रका बासिन्दा प्रभाव कम

उच्च पहाडमा अक्सिजनको पातलो तहमा बस्ने सर्वसाधारणमा कोरोनाभाइरस सङ्क्रमणको जोखिम कम पाइएको छ । समुद्री सतह नजिक बस्ने सर्वसाधारणमा भने सङ्क्रमणको जोखिम बढी रहने एक अनुसन्धानले देखाएको छ । अन्तर्राष्ट्रिय अनुसन्धानकर्ताले उक्त शोधबाट आएको निष्कर्षले तटीय क्षेत्रका बासिन्दामा देखिने लक्षण, रोग फैलने कारणसम्बन्धमा थप अनुसन्धानका लागि बाटो तय गर्ने अनुसन्धानकर्ताले बताएका छन् । अध्ययनको केही आलोचनासमेत गरिएको...