कोरोनाबाट पार पाएका भन्छन् : ‘सकभर हुन नदिऊ, भए आत्मबल बढाऊँ’

धादिङका रञ्जित गौली कोभिड–१९ को सङ्क्रमणपछि घरमै आराम गरी अहिले निको हुनुभएको छ । अमेरिकाको न्यूयोर्कमा बस्दै आउनुभएका ३१ वर्षीय गौलीले कोरोना भाइरसको सङ्क्रमण पुष्टि भएस“गै चैत १५ (मार्च २८) देखि घरमै सेल्फ आइसोलेसनमा बसेर आफूलाई निको बनाउनुभएको हो । पाँच वर्षअघि अमेरिका आउनुभएका गौली अमेरिकी सेनाको रिजर्भ फोर्समा कार्यरत हुनुहुन्छ ।

सामाजिक दुरीमा लहानमा राहत वितरण शुरु

गरीव मजदुर बस्तीमा राहतको माग व्यापक हुन थालेपछि लहान नगरपालिकाले बुधबारदेखि राहत वितरण गर्न शुरु गरेको छ । राहत पाएर गरीव मजदुर ज्यालादारी गरेर गुजारा गर्नेहरु खुसी भएका छन् ।

आइसियू र भेन्टिलेटर बिनै आइसोलेटेड बेड तयार

सर्लाही सदरमुकाम मलङ्गवामा १५ शैय्याको आइसोलेटेड बेड तयार पारिएको छ । आइसियू र भेन्टिलेटरको अभावमा ती उपकरण बिनै आइसोलेटेड बेड तयार पारिएको हो । जिल्ला अस्पताल परिसरमै निर्माण गएिको आइसोलेटेड बेडमा उच्च ज्वरो आएका अर्थात कोरोना भाइरस (कोभिड–१९) सँग मिल्दोजुल्दो लक्षण भएका बिरामीको उपचार गरिने सर्लाहीका प्रमुख जिल्ला अधिकारी मोहनबहादुर जिसीले जानकारी दिनुभयो ।

अस्पतालमा विना जानकारी अनुपस्थित पाँच चिकित्सक निष्काशित

लुम्बिनी प्रादेशिक अस्पताल, बुटवलले अस्पतालमा विनाजानकारी अनुपस्थित पाँच चिकित्सकलाई सेवाबाट हटाएको छ । अस्पतालका विभिन्न विशेषज्ञका रुपमा करीब एक वर्षदेखि कार्यरत चिकित्सक अस्पतालमा विनाजानकारी करीब डेढ महिनादेखि अनुपस्थित भएकाले सेवाबाट आज हटाइएको सूचना दिइएको अस्पतालका मेडिकल सुपरिटेन्डेन्ट डा राजेन्द्र खनालले जानकारी दिनुभयो ।

सुदूरपश्चिमका सबै जिल्लाबाट नमूना सङ्कलन गरिने

कोरोना भाइरसको उच्च जोखिममा रहेको सुदूरपश्चिम प्रदेशका नौवटै जिल्लामा स्थापना गरिएका क्वारेन्टाइनमा दुई हजार ४०८ जना आश्रय लिइरहेका छन् । सुदूरपश्चिम क्षेत्रीय स्वास्थ्य निर्देशनालयका अनुसार सुदूरपश्चिमभरि ३०१ स्थानमा क्वारेन्टाइनमा पाँच हजार ४२ जनालाई राख्न मिल्छ ।