तीन डीआईजीलाई एआईजीमा बढुवा गर्ने मन्त्रिपरिषद्को निर्णय

आज बसेको मन्त्रिपरिषद्को बैठकले डीआईजीहरु वसन्त पन्त, धिरजप्रताप सिंह र रवीन्द्र धानुकलाई प्रहरी अतिरिक्त महानिरीक्षक (एआईजी)मा बढुवा गर्ने निर्णय गरेको स्वास्थ्य तथा जनसङ्ख्यामन्त्री विरोध खतिवडाले बताउनुभयो ।

काँग्रेसकाे स्थानीय तह निर्वाचन केन्द्रीय परिचालन समितिमा ५५ सदस्य थप

नेपाली कांग्रेसका सभापति शेरबहादुर देउवाले ‘स्थानीय तह निर्वाचन केन्द्रीय परिचालन समिति’ मा ५५ सदस्य थपगर्नु भएको छ । केन्द्रीय कार्यसमितिको चैत्र १५ गते बसेको बैठकको निर्णय अनुसार पार्टीका उपसभापति श्री पूर्णबहादुर खड्काको संयोजकत्वमा गठन भएका सो समिति गठन भएको थियो ।

सेनाको निगरानीमा जनक शिक्षामा मतपत्र छापिने, आज निरीक्षण हुँदै

जनक शिक्षा सामग्री केन्द्रले स्थानीय तह निर्वाचनका लागि मतपत्र छाप्न तयारी अवस्थामा रहेको जनाएको छ । केन्द्रका सूचना अधिकारी चित्रकुमार आचार्यले निर्वाचन आयोगको निर्देशन अनुसार मतपत्र छपाई मेसिन तयारी अवस्थामा राखिएको जानकारी दिनुभयो ।

६५० एमजीको पारासिटामोल दर्ता गर्ने निर्णय, कतै विरोध,कतै स्वागत

औषधि सल्लाहकार समितिको बैठकले औषधि व्यवस्था विभागलाई ६५० एमजीको पारासिटामोल दर्ता गर्न दिने निर्णय ग-यो । यही चैत १० मा बसेको औषधि व्यवस्था विभागको औषधि सल्लाहकार समितिले नेपालमा ६५० मिलिग्राम (एमजी) को पारासिटामोल ट्याबलेट दर्ता गर्ने निर्णय गरेको हो । यो निर्णयसँगै उत्पादन र बिक्री गर्ने स्वदेशी उत्पादकलाई बाटो खुलेको छ ।

स्थानीय तहमा आवश्यकता अनुरुप गठबन्धनसँग तालमेल गर्ने निर्णय

सत्तारुढ दल नेपाली काँग्रेसको चैत ११ गते शुक्रबारदेखि बसेको केन्द्रीय समितिको बैठक मंगलबार सम्पन्न भएको छ । बैठकले स्थानीय परिस्थति र आवश्यकता अनुसार गठबन्धन गरेका दलहरुसँग चुनावी तालमेल गर्ने नीतिगत निर्णय गरिएको पार्टी प्रवक्ता डा. प्रकाशशरण महतले जानकारी दिनुभयो ।