युक्रेन शान्तिका लागि लुम्बिनीमा दीप प्रज्वलन

रुसी सेनाको आक्रमणको चपेटामा परेको युक्रेनमा शान्ति स्थापनाको कामना गर्दै बुद्ध जन्मस्थल लुम्बिनीमा शान्ति दीप प्रज्वलन गरिएको छ । रुसी आक्रमणका कारण युक्रेनमा भइरहेको युद्ध, हत्या, हिंसा र बमबारीले विश्व आक्रान्त भइरहेको भन्दै लुम्बिनीका स्थानीयवासीले एक सय आठ दीप प्रज्वलन गर्दै शान्तिको प्रार्थना गरेका हुन् ।

निजामती कर्मचारी सङ्गठन अछाममा नयाँ नेतृत्व

नेपाल निजामती कर्मचारी सङ्गठन, अछामको नयाँ नेतृत्व सर्वसम्मत रुपमा चयन भएको छ । सङ्गठनको ११ औं जिल्ला अधिवेशनबाट मङ्गलसेन नगरपालिकामा नायब सुब्बामा कार्यरत विष्णुप्रसाद जैसीको अध्यक्षतामा २१ सदस्यीय नयाँ समिति चयन गरिएको हो ।

पूर्वमन्त्री श्रेष्ठविरुद्ध चार कराेडभन्दा बढी बिगाेसहित भ्रष्टाचार मुद्दा दायर

अख्तियार दुरुपयोग अनुसन्धान आयोगले पूर्वमन्त्री रामकुमार श्रेष्ठविरुद्ध गैरकानुनी सम्पत्ति आर्जन गरेको अभियोगमा भ्रष्टाचार मुद्दा दायर गरेको छ । आइतबार विषेश अदालत काठमाडौंमा दायर गरेको मुद्दामा चार करोड ४५ लाख रुपियाँ बिगो कामय गरिएको छ । पूर्व सचिवसमेत रहेका श्रेष्ठलाई सार्वजनिक सेवा प्रवेश गरेदेखि नै गैरकानुनी सम्पत्ति आर्जन गरेको अभियोग लागेको छ ।

ट्रकको ठक्करबाट मोटरसाइकल चालकको मृत्यु

कपिलवस्तुको बाणगंगा नगरपालिकामा ट्रकको ठक्करबाट एक मोटरसाइकल चालकको मृत्यु भएको छ । आइतबार बिहान ५ः३० बजे भएको दुर्घटनामा जिल्लाको बुद्धभूमि नगरपालिका १ चंघाट बस्नुहुने २८ वर्षिय माधव अधिकारीको मृत्यु भएको जिल्ला ट्राफिक प्रहरी कार्यालय कपिलवस्तुले जनाएको छ ।

हिल्दुम लघु जलविद्युत आयोजनाको अनुमगन

भर्खरै जिल्लामा सरुवा भएर आउनुभएका प्रमुख जिल्ला अधिकारी सरिता परियार नेतृत्वको टोलीले स्थलगत रुपमा हिल्दुम साना जलविद्युत आयोजनाको अनुमगन गरेको छ । विकासे कार्यको स्थलगत अनुगमन गर्ने काम अन्तर्गत प्रजिअको टोलीले सो अनुगमन गरेको बताएको छ ।