गोरखापत्र अनलाइन
काठमाडौं, चैत १५ गते । रङ्गहरुको पर्वको रुपमा परिचित होली (फागु) देशभर हर्षाेल्लासका साथ मनाइएको छ । विभिन्न रङ्ग एक आपसमा लगाएर मनाउने यस पर्वमा कोरोना भाइरसको जोखिम रहेको बताउँदै सरकारले सामाजिक दुरी (भौतिक) अवलम्बन गर्दै भीडभाड गरेर नमनाउन सार्वजनिक सूचना प्रकाशित गरेको छ । तर सरकारी सूचनालाई बेवास्ता गर्दै उपत्यकासहित देशभर यस पर्व भिडभाडमा नै मनाइएको पाइएको छ ।
फागु पर्वको मुख्य केन्द्र राजधानीको बसन्तपुरमा अध्याधिक मात्रामा युवाको सम्लग्नतामा यस पर्व मनाइएको छ ।बच्चादेखि युवायुवतीहरु त्यहाँ पुगेर सामाजिक दुरीको पालना नगरी रङ्गहरुको होली पर्व मनाएका छन् ।
फाेटाे–मनाेजरत्न शाही / केशव गुरूङ्ग
.jpg)
