बार अध्यक्षमा आठको उम्मेदवारी, घिमिरे र अधिकारीबीच प्रतिष्पर्धा

नेपाल बार एसोसिएसनको २६ औं अधिवेशनबाट नयाँ केन्द्रीय समिति चयनका लागि आठ जनाले अध्यक्षका लागि उम्मेदवारी दर्ता गराएका छन् । अध्यक्ष चयनमा सत्ता गठबन्धनबाट उम्मेदवारी दिनुभएका वरिष्ठ अधिवक्ता गोपाल कृष्ण घिमिरे र प्रतिपक्षीबाट उम्मेदवारी दिनुभएका वरिष्ठ अधिवक्ता विश्वमणि अधिकारीबीच कडा प्रतिस्पर्धा हुने भएको छ ।

एमसीसीले भौतिक विकासमा सहयोग

गृहमन्त्री बालकृष्ण खाणले अमेरिकी सरकारको आर्थिक सहयोग मिलेनियम च्यालेन्ज कर्पोरेसन (एमसीसी) राष्ट्रको समृद्धि र विकासका लागि प्रतिनिधि सभाबाट पारित गरिएको बताउनुभएको छ । नेपाल निजामती कर्मचारी सङ्गठन गृह विभागीयको १२औँ अधिवेशन उद्घाटन गर्दै गृहमन्त्री खाणले एमसीसी पारित भएका कारण विदेशी सेना नेपाल आउने कुरा हल्ला र भ्रममात्र भएको बताउनुभयो ।

निर्वाचन चिन्ह हरियो रङ्गमा, ७२ दलले देशैभरी उम्मेदवारी दिन पाउने 

वैशाख ३० गते हुने स्थानीय तह निर्वाचनमा हरियो रङ्गको चुनाव चिन्ह हुने भएको छ । स्थानीय तह निर्वाचनका लागि आवश्यक मतपत्र छपाई गर्दा मतपत्रमा छपाई हुने चिन्ह, विवरण तथा सुरक्षा चिन्हहरु हरियो मसीले छपाई गर्ने निर्णय गर्ने सोमबार पत्रकार सम्मेलनमार्फत आयोगले जनाएको हो ।

विकासका लागि प्राविधिक शिक्षा आवश्यक : अध्यक्ष ओली

नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले शिक्षाको विकासका लागि प्राविधिक शिक्षा नै प्रमुख आधार भएको बताउनुभएको छ । कावासोती स्थित मध्यविन्दु बहुमुखी क्याम्पसको १६ औं वार्षिकोत्सव तथा अभिभावक दिवसलाई सम्बोधन गर्दै उहाँले मध्यविन्दु क्याम्पसमा अक्षयकोषको स्थापना गर्नुभयो ।

भ्रमणले दुई प्रदेशबीचको सम्बन्ध प्रगाढ : मुख्यमन्त्री पोखरेल

गण्डकी प्रदेशका मुख्यमन्त्री कृष्णचन्द्र नेपाली पोखरेलले मधेस प्रदेशको भ्रमणले पर्यटन विकासमा नयाँ आरम्भ भएको बताउनुभएको छ । भ्रमणले दुई प्रदेशबीच प्रगाढ सम्बन्ध स्थापित भएको उहाँले विश्वास व्यक्त गर्नुभयो । गण्डकी प्रदेशका मुख्यमन्त्री पोखरेल मधेस प्रदेशको तीन दिने भ्रमण सकेर सोमबार फर्कनुभएको छ । फर्कनुअघि सञ्चारकर्मीसँगको कुराकारीमा देशकै मुख्य पर्यटकीय शहर पोखरा र धार्मिक केन्द्र जनकपुरधामबीचको हवाई...