अमरराज नहर्की
तनहुँ, चैत्र २ गते । पृथ्वीराजमार्ग पर्ने व्यास नगरपालिका–१२ घाँसीकुवा, जलविरे मार्बल बोक्ने ट्रक दुर्घटना भई आगलागी हुँदा दुई भारतीय नागरिक घाइते भएका छन् ।
भारतबाट दमौली आउँदै गरेको आरजे १४ जिजे ७१२६ नम्बरको ट्रक सोमबार दिउँसो १२ः३० वजे दुर्घटना भई आगलागी हुँदा घाईते भएका हुन् । भारतको उत्तरप्रदेश निवासी चालक ४१ अशोककुमार राजपुत र सहचालक सोही ठाउँका वर्ष २८ का हरिन्द्रसिंह घाइते भएको जिल्ला ट्राफिक प्रहरी कार्यालय तनहुँका प्रमुख डोलेन्द्रबहादुर हमालले जानकारी दिनुभयो ।
अनियन्त्रित भई सडक छेउमा पल्टिने क्रममा आगलागी भएको र उनीहरु घाइते भएको उहाँले जानकारी दिनुभयो । हमालका अनुसार घाइते दुवैको दमौलीस्थित रत्नहरी अस्पतालमा उपचार भइरहेको छ । व्यास नगरपालिकाको दमकलको सहायतमा आगो नियन्त्रणमा लिइएको र ट्रकको अघिल्लो भागमा आगोले बढी क्षति भएको छ ।
.jpg)
