नयाँ बानेश्वरस्थित इन्द्रेणी कम्प्लेक्सको जिम सेन्टरमा आगलागी (फाेटाे फिचर)

काठमाडौं, पुस ५ गते । बानेश्वरको इन्द्रेणी कम्प्लेक्सको जीम सेन्टरमा आगलागी भएको छ । कम्प्लेक्समा रहेको जीम सेन्टरमा आगलागी भएको प्रहरी वृत्त बानेश्वरका प्रहरी सहयक निरीक्षक  मनोहर पोखरेलले गोरखापत्र अनलाइनलाई जानकारी दिनुभयो ।

उहाँका अनुसार अहिले आगो केही नियन्त्रणमा आएको छ । आगो नियन्त्रणका लागि काठमाडौं महानगरपालिकाको दमकलसहित चार–पाँच वटा दमकल र अग्नि नियन्त्रकले आगो नियन्त्रणको प्रयास भइरहेको असइ पोखरेलले बताउनुभयो । आगो कसरी लाग्यो भन्ने अहिलेसम्म केही नखुलेको उहाँले जानकारी दिनुभयो । विस्तृत विवरण आउन बाँकी छ ।