कोरोनाविरुद्धको पूर्ण खोपयुक्त पालिका बनाउने अभियानमा चाँगुनारायण

चाँगुनारायण नगरपालिकाले आफ्नो नगर क्षेत्रलाई कोभिड–१९ विरुद्धको पूर्ण खोप अभियान सुरु गरेको छ । यस नगरपालिकाको वडा नं १ देखि ९ नं वडाकै १२ वर्षभन्दा माथि उमेरका सबै नागरिकलाई कोरोना भाइरसविरुद्धको पहिलो र दोस्रो खोप पूरा गराएर कोरोनाविरुद्धको पूर्णखोपयुक्त पालिका घोषणा गर्न अभियान सुरु गरेको नगरपालिकाका प्रमुख सोमप्रसाद मिश्रले जानकारी दिनुभयो ।

राखेपलाई नयाँपन दिँदै मन्त्रालय

युवा तथा खेलकुद मन्त्रालय राष्ट्रिय खेलकुद परिषद्(राखेप)को भूमिकामा नयाँपन दिँदै समग्र मुलुकको खेलकुद क्षेत्रलाई चलायमान तुल्याउने अभियानमा जुटेको छ । विगतको भूमिकामा नयाँपन दिँदै परिषद्लाई प्रभावकारी बनाएर खेल क्षेत्रको विकासमा मन्त्रालयले सहजीकरणकासाथ पहलकदमी लिन थालेको हो । मन्त्रालयका सचिव डा दामोदर रेग्मीले परम्परागत ढर्राबाट चल्दै आएको परिषद्लाई सकारात्मकभावसहित सक्रिय बनाई मुलुकको खेलकुद क्षेत्रलाई...

गाउँपालिका अध्यक्ष र प्रमुख अधिकृतमाथि अमानवीय व्यवहार

प्युठानको मल्लरानी गाउँपालिका अध्यक्ष अमरध्वज राना र प्रमुख प्रशासकीय अधिकृत बालकृष्ण थापामाथि बिप्लब माओवादीका कार्यकर्ताले दुव्र्यवहार तथा अमानवीय व्यवहार गरेका छन् । आज दिउँसो मल्लरानी गाउँपालिका –५ सरङकोटमा रहेको बिद्यालयको छलफलमा सहभागी भएकाबेला विप्लवका कार्यकर्ताले अध्यक्ष राना, प्रमुख प्रशासकीय अधिकृत थापालाई कालोमोसो दलेका हुन् ।

मृतक तीन जनाकाे सनाखत ,छ जना घाइते

ग्रामीण सडकमा विद्यार्थी बोकेर हिँडेको निर्माण व्यवसायिको टिप्पर दुर्घटनामा परी मृत्यु हुने तीन जनाको सनाखत भएको छ । ६ जना गम्भीर घाईतेको उद्धार गरेर अस्पताल पठाईएको प्रहरीले जनाएको छ ।

चालककी श्रीमती मृत फेला

दार्चुलामा एक जना गाडी साहुको घरमा चालककी श्रीमती मृत फेला पर्नुभएको छ । शैल्यशिखर नगरपालिका –४ घर भएकी २२ वर्षीया कमला ठगुन्नाको शव नौगाड गाउँपालिका –६ बस्ने सङवा ठगुन्नाको घरमा फेला परेको जिल्ला प्रहरी कार्यालय दार्चुलाका सूचना अधिकारी एबम् प्रहरी निरीक्षक माधव विश्वकर्माले जानकारी दिनुभयो ।