प्रहरीलाई ड्रोन क्यामरा र ल्यापटप सामग्री सहयोग

लमजुङ प्रहरीले ड्रोन क्यामरा र ल्यापटप कम्प्युटर प्राप्त गरेको छ । बेँसीसहर नगरपालिकाले अपराध अनुसन्धानका लागि जिल्ला प्रहरी कार्यालय लमजुङलाई ड्रोन क्यामरा र ल्यापटप सहयोग गरेको हो ।

मधेसमा काँग्रेस जिल्ला निर्वाचनको चहलपहल, २४ जना सभापतिका आकांक्षी

मधेस प्रदेशका आठवटै जिल्लामा नेपाली काँग्रेस जिल्ला निर्वाचनको चहल पहल बढेको छ । निर्वाचनका लागि आकांक्षीहरुले उम्मेदवारी घोषणा गर्नुभएको छ । १५ गते हुन गइरहेको जिल्ला निर्वाचनका लागि प्रत्येक जिल्लामा कम्तिमा दुई–दुई जनाले सभापतिका लागि उम्मेदवारी घोषणा गरिसक्नुभएको छ ।

प्रजिअ परियारद्वारा कर्मचारीलाई निर्देशन

जिल्लास्थित सरकारी कार्यालयका प्रमुख कर्मचारीहरुलाई भर्खर सरुवा भएर आउनुभएका प्रमुख जिल्ला अधिकारी सीता परियारले कार्यालयको कामबारेमा लिखित निर्देशन दिनुभएको छ । कार्यालयमा हाजीर भएको पहिलो दिन कार्यालय प्रमुखसँगको छलफलमा सो निर्देशन दिनुभएको हो ।

विद्यालयमा वितरित पिउने पानीमा दिसाका जीवाणु फेला

विद्यालयमा वितरण गरिएको पिउने पानीमा दिसामा हुने जिवाणु (कोलिफर्म) देखिएको छ । सिगास गाउँपालिकाका विद्यालयको पिउने पानी परीक्षण गर्दा सो जिवाणु देखिएको हो । विद्यालयको खानेपानी सर्वेक्षण गर्न सिगास गाउँपालिका शिक्षा शाखा र स्थानीय सामुदायिक सिकाई केन्द्रको पहलमा सिगास गाउँपालिका –१ र २ का माबि र आधारभूत तहका विद्यायको पानी परीक्षण गर्दा कोलिफर्म जीवाणु भेटिएको हो ।

बौलाहा स्यालको टोकाइबाट १५ जना घाइते

सर्लाहीको दक्षिणी भेगस्थित भारतसँग सीमा जोडिएको विष्णु गाउँपालिकामा स्यालको टोकाइबाट १५ जना घाइते भएका छन् । मङ्गलबार बिहान आफ्नो घरमा बसिरहेका स्थानीयलाई गाउँ पसेको बौलाहा स्यालले आक्रमण गरी घाइते बनाएको हो ।