साईपाल गाउँपालिकामा हेलिकप्टरमार्फत खाद्यान्न ढुवानी

साईपाल गाउँपालिकामा आईतबार नेपाली सेनाको हेलिकप्टरमार्फत खाद्यान्न ढुवानी भएको छ । गएको साता भएको हिमपातका कारण बाटो अबरुद्ध भएपछि चीनको स्वशासित क्षेत्र तिब्बतसँग सीमा जोडिएको साईपाल गाउँपालिकामा खाद्यान्न अभाब भएपछि आईतबार गृह मन्त्रालयले नेपाली सेनाको हेलिकप्टरमार्फत खाद्यान्न ढुवानी गरेको हो ।

लागूऔषधसहित एक युवा पक्राउ

लागूऔषधसहित सप्तरीको राजगढ गाउँपालिका २ का एक जना युवालाई प्रहरीले प्रक्राउ गरेको छ । राजगढ गाउँपालिका २ झुटकीका शंकर भन्ने शिवशंकरकुमार यादवलाई अवैध लागूऔषधसहित प्रहरीले शनिबार पक्राउ गरेको हो ।

बैंकिङ कसूरमा फरार एक जना पक्राउ

लमजुङ प्रहरीले बैंकिङ कसुरमा फरार एक बृद्धलाई काठमाडौंबाट पक्राउ गरेको छ । प्रहरीले बेंसीशहर नगरपालिका ३ गाउँशहरका ६० बर्षीय गणेशबहादुर गोतामेलाई काठमाडौं तार्केश्वर नगरपालिका ९ बाट पक्राउ गरेको हो ।

भरुवा बन्दुकसहित एक जना पक्राउ

कपिलवस्तुको बाणगंगा नगरपालिका ९ चौवाहाबाट ५ थान भरुवा बन्दुकसहित १ जना पक्राउ परेका छन् । इलाका प्रहरी कार्यालय पिपराको टोलीले गोप्य सूचनाको आधारमा स्थानीय वर्ष ६० को रामसमज थारुलाई पक्राउ गरेको जिल्ला प्रहरी कार्यालय कपिलवस्तुका प्रहरी नायव उपरीक्षक धर्मराज भण्डारीले बताउनुभयो ।

गुलाफको फूल आयातमा कमी

भारतबाट नेपाल भित्रिनेगरेको गुलाफको फूलको आयात यसवर्ष घटेको छ । गत वर्षको तुलनामा यसवर्ष गुलाफको फूलको आयातमा झण्डै आधाले कमी आएको सरोकारवालाहरुको भनाइ छ ।चालु आर्थिक वर्ष २०७८–७९ को माघ मसान्तसम्म १५ लाख ६५ हजार रुपियाँको रातो गुलाफ आयात भएको भैरहवा भन्सार कार्यालयले जानकारी दिएको छ । गत वर्ष सोही अवधिमा यो भन्दा झण्डै दोब्बर २९ लाख ३८ हजार ८९३ रुपियाँको रातो गुलाफ भैरहवा नाका हुँदै भित्रिएको थियो ।