गोतामे पत्रकारिता पुरस्कारबाट झा पुरस्कृत

पत्रकार गोपालभन्द्र गौतम प्रतिष्ठानले प्रदान गर्दैआएको गोतामे पत्रकारिता पुरस्कारबाट यस वर्ष सप्तरीका पत्रकार बैद्यनाथ झा पुरस्कृत हुनुभएको छ । स्वर्गीय पत्रकार गोपालचन्द्र गौतमको स्मृतिमा स्थापना गरिएको सो पुरस्कारबाट यस वर्ष सप्तरीबाट प्रकाशित हुने आजको वातावरण दैनिक पत्रिकाका सम्पादक झा पुरस्कृत हुनुभएको हो ।

प्रहरी कार्यालयमै कुटिए सेवाग्राही

जिल्ला प्रहरी कार्यालयमा सेवा लिन गएका युवा कार्यालयमा प्रहरीबाट कुटिएका छन् । नारायण नगरपालिका –६ बसपार्कका ओम रेग्मी प्रहरी इन्स्पेक्टर इन्द्रजीत सुनारबाट कुटिनुभएको हो ।

बेसहारा आमाबुवालाई निःशुल्क राशन कार्ड वितरण

दार्चुलाको महाकाली नगरपालिकाले छोराछोरी गुमाएका वा नभएका ६० वर्षमाथिका आमाबुवालाई निःशुल्क खाद्यान्न तथा राशन कार्ड वितरण गरेको छ । बेसहारा आमाबुवाको सहारा नगर प्रमुख कार्यक्रमअन्तर्गत निःशुल्क राशन कार्ड वितरण गरिएको हो ।

प्रभावकारी बन्दै भकारो सुधार कार्यक्रम

कपिलबस्तुको बाणगंगा नगरपालिका ६ भगलापुरमा सञ्चालन गरिएको बायोग्याँससहित भकारो सुधार कार्यक्रम प्रभावकारी बन्दैगएको छ । भेटेरीनरी अस्पताल तथा पशु सेवा विज्ञ केन्द्रले गुइठालाई विस्थापित गर्ने उद्देश्यले बायोग्ँयाससहित भकारो सुधार कार्यक्रम सञ्चालनमा ल्याएको हो ।

तातोपानी कुण्डमा नुहाउनेको सङ्ख्या दोब्बरले वृद्धि

रोग निको हुने विश्वासले जिल्लाभरिका तातोपानीका कुण्डमा आएर नुहाउनेको सङ्ख्या दोब्बरले वृद्धि भएको छ । सामाजिक मान्यताअनुसार चिसोमा तातोपानीको कुण्डमा नुहाउँदा शरीरमा स्फुर्ती बढ्ने र शरीरका रोगहरु निको हुने भएपछि नुहाउन आउनेको संख्यामा बृद्धि भएको हो ।