मर्स्याङ्दीका एकल पुरुषलाई सामाजिक सुरक्षा भत्ता

लमजुङको मर्स्याङ्दी गाउँपालिकाले एकल पुरुषलाई सामाजिक सुरक्षा भत्ताको व्यवस्था गर्ने भएको छ । गाउँपालिकाभित्र स्थायी बसोबास गर्ने ६० वर्षदेखि ६९ वर्षसम्मका एकल पुरुषलाई सम्मान स्वरुप सामाजिक सुरक्षा भत्ता प्रदान गर्ने गाउँपालिकाले जनाएको छ ।

सुनसरीमा पाँचदलीय गठबन्धनले वडा तहदेखि चुनावी तालमेल गर्ने

सुनसरीमा सत्तारुढ पाँचदलीय गठबन्धनले वडा तहदेखि नै चुनावी तालमेल गर्ने गरी कार्यदल गठन गरेको छ । जिल्लामा तालमेलको निर्णय गर्न नेपाली काँग्रेस सचिव वीरेन्द्र साह, नेकपा माओवादी केन्द्रका मुक्साहाङ मेन्याङ्बो, नेकपा एकीकृत समाजवादीका सचिव वसन्त सुवेदी, जनता समाजवादी पार्टीका सचिव प्रदीप कार्की र राष्ट्रिय जनमोर्चाका हरिलाल अधिकारी रहनुभएको कार्यदल गठन गरेको हो ।

सिम्जुङ स्वास्थ्य चौकीलाई एम्बुलेन्स हस्तान्तरण

अजिरकोट गाउँपालिका ४ को सिम्जुङ स्वास्थ्य चौकीलाई एम्बुलेन्स हस्तान्तरण गरिएको छ । गाउँपालिकाले भन्सार छुटमा १२ लाख ९७ हजार रुपियाँमा खरिद गरेको एम्बुलेन्स एक कार्यक्रमवीच हस्तान्तरण गरेको हो ।

लोप हुँदै गाउँका घुन्सारी

नेपालको तराईमा प्रचलित विभिन्न प्रकारका भुजा भुज्ने घुन्सारीहरु अचेल लोप हुँदै गएकाले मीठो र स्वादिलो भुजा खानबाट वञ्चित हुनुपरेको छ । घुन्सारीमा भुजिएका भुजाहरु मानिसहरुले धेरै रुचाउँछन् । अहिलेको प्रविधिको युगमा भुजा मिलमा तयार हुन्छ, जुन खाँदा स्वादिलो हुँदैन ।

माओवादी नेता एमालेमा प्रवेश

नेकपा (माओवादी केन्द्र) बागलुङ नगर कमिटीका अध्यक्ष इन्द्र केसी ‘पासर’ नेकपा एमालेमा प्रवेश गर्नुभएको छ । माओवादीले गरिव जनता, सर्वहारा श्रमजिवी वर्गको नेतृत्व छाडेको आरोप लगाउँदै केसीले आफू एमालेमा प्रवेश गर्नुभएको बताउनुभयो । उहाँलाई एमाले उपहासचिव पृथ्वीसुब्बा गुरुङले पार्टीमा स्वागत गर्नुभयो ।