कामदारलाई घर फर्कन समयसीमा

मलेसियामा अवैधानिक भएर बसेका नेपाली श्रमिकलाई मलेसिया सरकारले घर फर्किनलाई दिएको अवसरको सदुपयोग गर्न मलेसियास्थित नेपाली दूतावासले आग्रह गरेको छ । मलेसियामा भिसा अवधिभन्दा धेरै बसेका, कागजपत्रविहीन भएका वा अन्य कारणले अवैधानिक हुन पुगेका नेपालीसहित सबै विदेशी नागरिकलाई गएको अगस्ट १ तारिखदेखि यही डिसेम्बर ३१ सम्मको समय दिएको छ ।

कृष्णदासको थुनछेक बहस सकिएन, सोमबार पनि बहस हुने

आफ्नै अनुयायीलाई बलात्कारको आरोप लागेका सिद्धबाबा भनिने कृष्णदास गिरीको आईतबार पनि थुनछेक बहस नसकिएकाले सोमबार फेरि थुनछेक बहस जारी रहने भएको छ । सुनसरी जिल्ला अदालत इनरुवामा कृष्णदास गिरीको पक्षबाट तीनजना र सरकारी वकिलका तर्फबाट छजना तथा पीडित जाहेरबालाको तर्फबाट दुई जना गरि ११ जनाको बहस आईतबार सकेको छ । बाँकी तीनजनाको बहस नसकिएकाले सोमबार फेरि थुनछेक बहस हुने भएको हो ।

विश्वकै सबैभन्दा जेठाे गैंडाको मृत्यु

तान्जानियामा ५७ वर्ष उमेरमा पोथी प्रजातिका एक गैंडाको शनिबार मृत्यु भएको हो । उक्त गैंडा लोपोन्मुख ‘इस्टर्न प्रजाति’को हो ।

विप्लपका २७ जना कार्यकर्ता पक्राउ

काठमाडौंमा प्रर्दशन गर्ने २७ जना नेत्रविक्रम चन्द (विप्लव) समूहका कार्यकर्ताहरुलाई प्रहरीले नियन्त्रणमा लिएको छ ।

दैनिक पाँच हजार चालक अनुमतिपत्र छपाइ

झण्डै आठ लाख ‘स्मार्ट’ चालक अनुमतिपत्र वितरण गर्न बाँकी हुँदा यातायात व्यवस्था विभागले दुई सिफ्टमा गरी दैनिक झण्डै पाँच हजार चालक अनुमतिपत्र छपाइ गर्न थालेको छ । दुई महिना पहिले ल्याइएको ‘मास प्रिन्टर’ र विभागमै रहेका साना क्षमताका प्रिन्टरमार्फत यो सङ्ख्यामा छपाइ भइरहेको हो । केही दिनपछि नै दैनिक तीन सिफ्टमा ‘मास प्रिन्टर’ सञ्चालन हुने विभागका महानिर्देशक गोगनबहादुर हमालले बताउनुभयो ।