मसान्तसम्म भिडभाड हुने कार्यक्रम नगर्न प्रशासनको निर्देशन

लमजुङमा माघ मसान्तसम्म कुनैपनि भिडभाड हुने कार्यक्रम सञ्चालन गर्न नपाइने प्रशासनद्वारा रोक लगाइएको छ । विश्वब्यापी महामारीको रुपमा फैलिएको कोभिड १९ को नयाँ भेरियन्ट ओमिक्रोनसहितको संक्रमण तीब्र रुपमा बढ्दै गएको भन्दै जिल्ला प्रशासन कार्यालय लमजुङले भिडभाड हुने र अन्य सबै प्रकारका कार्यक्रमहरु सञ्चालनमा रोक लगाएको हो ।

रुखले च्यापिएर दुई जनाको मृत्यु

धनुषामा बिहिबार विहानदेखि चलेको हावा हावाहुरीका कारण रुख ढल्दा हाँगाले च्यापीएर दुई जना विद्यार्थीको मृत्यु भएको छ । मृत्युु हुनेमा सवैलाई नगरपालिका १२ का महेन्द्र सदाका ८ वर्षिया छोरी प्रतिमाकुमारी सदा र चन्द्रेश्वर सदाको ७ वर्षिय छोरा अरबिन्द सदाको मृत्यु भएको धनुषाका प्रहरी उपरीक्षक बसन्त रजौरेले जानकारी दिनुभयो ।

हिमपातका कारण सुकेटारमा उडान अवरुद्ध

हिमपातका कारण ताप्लेजुङको सुकेटार विमानस्थलमा शुक्रबारको उडान अवरुद्ध भएको छ । नेपाल वायु सेवा निगम ताप्लेजुङकाअनुसार विमानस्थलमा हिउँ परेपछि उडान अवरुद्ध भएको हो ।

दुई जना जनप्रतिनिधि निलम्बित

भ्रष्टाचारको आरोपमा स्याङ्जामा एक जना वडा अध्यक्षसहित दुई जना जनप्रतिनिधि निलम्बनमा परेका छन् । भीरकोट नगरपालिका –९ का वडाध्यक्ष भीमबहादुर गुरुङ र सदस्य कुलबहादुर गुरुङ निलम्बनमा परेका हुन् ।

ताप्लेजुङको पाथीभरामा भारी हिमपात

ताप्लेजुङस्थित प्रसिद्ध तीर्थस्थल पाथीभरा क्षेत्रमा भारी हिमपात भएको छ । बिहीबार रातिदेखि सुरु भएको हिमपात शुक्रबार अपराह्नसम्म पनि जारी रहेको छ । तीन हजार ७९४ मिटर उचाइ रहेको पाथीभरा क्षेत्रमा झण्डै एक फिटसम्म हिउँ परेको फेदी बजारका स्थानीय व्यवसायी राजेन्द्र महतले जानकारी दिनुभयो । सामान्य वर्षासँगै जिल्लाको उच्च हिमाली क्षेत्रमा हिमपात जारी रहेको छ भने प्रसिद्ध तीर्थस्थल पाथीभरा क्षेत्रमा पनि अहिले हिमपात...