कर्मचारीमा कोरोना संक्रमणपछि प्रशासनको सेवा अवरुद्ध

कर्मचारीलाई कोरोना सङ्क्रमण देखिएपछि जिल्ला प्रशासन कार्यालय दैलेखको नियमित सेवा प्रवाह रोकिएको छ । जिल्ला प्रशासनमा कार्यरत चार जना कर्मचारीमा कोरोना सङ्क्रमण भएपछि कार्यालयबाट प्रवाह हुने सबै प्रकारका सेवा बन्द गरिएको जिल्ला प्रशासन कार्यालयले जानकारी दिएको छ ।

उल्टो हिडेर परियारको मेचीकाली यात्रा

दाङ तुलसीपुर– ३ रानागाउँका ३० बर्षिय ऋषि परियारले मेचीदेखि महाकालीसम्मको उल्टो पैदल यात्रा सुरु गर्नुभएको छ । शनिवारदेखि काँकरभिट्टाको मेची नदि किनारबाट उल्टो पैदलयात्रा गर्दै सो यात्राको सुरुवात् गर्नुभएको हो ।

मोटरसाइकल दुर्घटना हुँदा एक जनाको मृत्यु

प्युठानमा मोटरसाईकल दुर्घट्ना हुँदा आइतवार दिउँसो एक जनाको मृत्यु भएको छ । प्युठानको माण्डवि गाउपालिका –३ लामाचौरमा रा ५ प ६८८६ नंबरको मोटरसाइकल दुर्घटना हुँदा मोटरसाइकलको पछाडि सवार स्थानीय अन्दाजी १८ वर्षीय किरण खनालको मृत्यू भएको जिल्ला प्रहरी कार्यालय प्युठानका प्रमुख, प्रहरी नायब उपरीक्षक सत्यनारायण थापाले जानकारी दिनुभयो ।

कैलालीमा शीतलहरले जनजीवन प्रभावित

कैलालीमा शीतलहरले जनजीवन प्रभावित भएको छ । आइतबार बिहानैदेखि लागेको शीतलहर र हुस्सुका कारण चिसो बढेपछि यहाँको जनजीवन प्रभावित भएको हो । शनिबार हल्का घाम लागे पनि शितलहर र हुस्सुका कारण आइतबार दिनभरि घाम लाग्न सकेको छैन । चिसोले गर्दा मान्छेलाई नियमित कामकाज गर्न समस्या भएको छ । जाडो छल्न विभिन्न ठाउँमा आगो बालेर स्थानीयहरु ताप्न थालेका छन् ।

हर्क गुरुङ प्रतिष्ठानलाई आठ लाख रुपियाँ सहयोग

भूगोलविद् डा. हर्क गुरुङ प्रतिष्ठानलाई बेलायतबाट सहयोग प्राप्त भएको छ । गुरुङ समुदायभित्रको ल्हेंगे थर भएकाहरु आबद्ध भएको संस्था ल्हेंगे तमु समाज युकेले प्रतिष्ठानलाई आठ लाख रुपियाँ सहयोग गरेको हो ।