हेलिकोप्टर चार्टर गरी हिल्साबाट बिरामीको उद्धार

चीनसँगको सीमा नाका हिल्साबाट एक जना बिरामीको हेलिकोप्टर चार्टर गरेर उद्धार गरिएको छ । चीनको पुराङ काउण्टीको ताक्लाकोटमा रहदैआएका बिरामीको उता उपचार हुन नसकेपछि घरपरिवारका सदस्य र आफन्त मिलेर स्थानीय प्रशासनको समन्वयमा हिल्सा ल्याएर हेलिकोप्टरबाट उद्धार गरी काठमाडौं ल्याउनुभएको हो ।

नेपालगञ्ज विमानस्थल खुलेन, दिउँसोसम्म उडान रद्द

बाक्लो हुस्सु र कुहिरोका कारण बिहानैदेखि मौसम बिग्रिएकोले आइतवार दिउँसोसम्म नेपालगञ्ज विमानस्थलको उडान रद्द हुने बताइएको छ । यहाँबाट पश्चिम नेपालका पहाडी जिल्लामा हुने र सङ्घीय राजधानी काठमाडौं तथा पोखराका लागि हुने सबै उडान रद्द गरिएका छन् । उडान रद्द हुँदा विभिन्न ठाउँमा जान विमानस्थल पुगेका सयौं यात्रु विमानस्थलमै रोकिएका छन् ।

आजको सम्भावित मौसम

हाल देशमा पश्चिमी न्यूनचापीय प्रणालीको आंशिक प्रभाव रहेको छ । उक्त मौसमी प्रणालीको प्रभावले देशका पहाडी भूभागमा आंशिक बदली रही तराईका भूभागमा हुस्सु–कुहिरो लागेको मौसम पूर्वानुमान महाशाखाले जनाएको छ ।

तीन महिनाभित्र विस्थापन गरिँदै तुइन

सरकारले आगामी चैतभित्र तुइन विस्थापन गर्ने गरी काम गरिरहेको छ । कोरोनाको प्रकोप बढिरहेको बेलासमेत स्वास्थ्य मापदण्ड पूरा गर्दै तुइनको स्थानमा झोलुङ्गे पुल निर्माणको काम धमाधम भइरहेको सरकारी अधिकारीले बताएका छन् ।

शहिद दुर्गानन्दको ५९ औं बलिदानी दिवस मनाइयो

नेपालमा राजनीतिक परिवर्तनका लागि भएको लोकतान्त्रिक आन्दोलनमा शहादत प्राप्त गर्नुभएका शहिद दुर्गानन्द झाको ५९ औं बलिदानी दिवस धनुषामा विभिन्न कार्यक्रमको आयोजना गरी मनाइएको छ ।