सालको कडीसहित ट्याक्टर चालक पक्राउ

कैलाली प्रहरीले सालको कडीसहित एक जना ट्याक्टर चालकलाई पक्राउ गरेको छ । अवैध रुपमा काठ ओसारपसार गरिरहेको अवस्थाबाट सुर्खेतको चौकुने गाउँपालिका–१० घाट गाउँका ट्याक्टर चालक २० वर्षीय चक्रबहादुर थापालाई प्रहरीले पक्राउ गरेको हो ।

हल्का हिमपातको सम्भावना

पश्चिमी न्यूनचापीय प्रणालीको प्रभावले आज देशभर आंशिकदेखि सामान्य बदली रही केही स्थानमा हल्का हिमपातको सम्भावना छ । उक्त प्रणालीको प्रभावले प्रदेश नं १, बागमती, गण्डकी तथा लुम्बिनी प्रदेशका पहाडी भूभागमा आंशिकदेखि सामान्य बदली रही देशको उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।

प्युठानमा पुरुषको शव फेला

प्युठानमा एकजना पुरुष मृत अवस्थामा फेला परेका छन् । जिल्लाको सरुमारानी गाउँपालिका–२ चौध नम्बर नजिक जङ्गलमा पुरुषको शव भेटिएको जिल्ला प्रहरी कार्यालय प्युठानका प्रमुख प्रहरी नायब उपरीक्षक सत्यनारायण थापाले जानकारी दिनुभयो ।

झापामा फेरि हात्तीको आङ्तक, एक सातामा दुईको मृत्यु

झापामा फेरि हात्ती आतङ्क सुरु भएको छ । भारतबाट आउने हात्तीको प्रमुख प्रवेश नाका मेचीनगरको बाहुण्डाँगीमा विद्युतीय तारबार लगाइएका कारण केहि वर्ष हात्ती आतङ्क कम भएको थियो । तर, अहिले फेरि हात्ती भारतबाट नेपाल प्रवेश गर्न थालेसँगै मानवीय र भौतिक क्षति हुन थालेको बताइएको छ ।

डांगर गिध्द लोपोन्मुख अवस्थामा

दुई दिनको अवधिमा करेन्ट लागेर दुई वटा गिध्द मरेका छन् । तुलसीपुर–१७ मङ्गरीमा माघ १४ गते र वडा नम्बर १९ सङ्क्रममा माघ १६ गते गरी दुई गिध्द मरेको हो । मरेको गिध्दमध्ये एउटा डांगर प्रजाति र अर्को हिमाली प्रजातिको छ । नेपालमा पाइने नौ प्रजातिका गिद्धमध्ये लोपोन्मुख अवस्थामा पुगेका चार प्रजातिको एक प्रजाति डांगर हो ।