ग्रामीण पहुँच कार्यक्रमद्वारा निर्मित सडक पूर्वाधार विकास कार्यालयलाई हस्तान्तरण

बेलायत सरकारको सहयोगमा निर्माण सम्पन्न भएको मुुगुु हुम्ला जोड्ने एक सडक प्रदेश सरकारअन्तर्गतको पूर्वाधार विकास कार्यालयलाई हस्तान्तरण गरिएको छ । ग्रामीण पहुँच कार्यक्रम (-याप–थ्री)ले बेलायत सरकारको आर्थिक तथा प्राविधिक सहयोगमा मुगु जिल्लाको चंखेलीदेखि हुम्ला जिल्लाको देउलीसम्म निर्माण सम्पन्न गरेको सडक खण्डलाई एक कार्यक्रमका बीच हस्तान्तरण गरेको हो ।

निर्माणाधीन पुलको बिम खस्दा आठ कामदार घाइते, दुईको अवस्था गम्भीर

पाल्पा र स्याङ्जा जिल्ला जोड्ने निर्माणाधीन पुलबाट खस्दा आठ जना कामदार घाइते भएका छन् । पाल्पाको रामपुर–६ प्याकलुक र स्याङ्जाको चापाकोट–८ दामाचौर जोड्ने मोटरेबल पुल जोड्ने क्रममा बीम सहित कामदार खस्न जाँदा आठ जना घाइते भएका हुन् ।

प्रहरी र जनताको सम्बन्धलाई थप प्रभावकारी बनाइने

गुल्मी जिल्लाका प्रहरी उपरीक्षक भिमबहादुर दहालले प्रहरी र जनतासँगको सम्बन्धलाई थप प्रभावकारी बनाउने बताउनुभएको छ ।

ठेकेदारको लापरवाहीले उपत्यकाको फोहोर उठ्न सकेन

ठेकेदारले सडक निर्माण गर्ने प्रतिबद्धता पूरा गर्न नसक्दा स्थानीयबासी आन्दोलित भएका कारण काठमाडौं उपत्यकाको फोहोर तीन दिनदेखि उठ्न सकेको छैन । सधैँको समस्याको रुपमा रहेको फोहोर व्यवस्थापन फेरि पासाङ ल्हामु राजमार्ग मर्मत सुधार नहुँदा ढुवानी गर्न सडक अवरुद्ध हुँदा फोहोर सङ्कलन हुन नसकेको काठमाडौं महानगरपालिकाका प्रवक्ता ईश्वरमान डङ्गोलले जानकारी दिनुभयो ।

पुलबाट खस्दा आठ घाइते

चापाकोट नगरपालिका ८ कालीगण्डकी नदीमा दामाचौर र रामपुर जोड्ने निर्माणाधीन पक्की पुलबाट खस्दा आठ जना घाइते भएका छन् । घाइते हुनेमा रौतहट बस्ने २४ वर्षीय प्रेम धन पटेल, बारा बस्ने २२ वर्षीय रामनिवास कुमार पटेल, हरिहरपुर ८ बस्ने २८ वर्षीय जितेन्द्र पटेल रहेका छन् ।