स्थानीय तह निर्वाचनका लागि निर्वाचन अधिकृत तोकियो

आसन्न स्थानीय तह निर्वाचनलाई लक्षित गरी निर्वाचन आयोगले बागलुङका दशवटै स्थानीय तहमा निर्वाचन अधिकृत तोकेको छ । आयोगले एक मुख्य निर्वाचन अधिकृत र नौ जना निर्वाचन अधिकृत तोकेको हो ।

व्याकुल माइलाको पैतृक सम्पति प्रतिष्ठानलाई

राष्ट्रिय गानका सर्जक प्रदीपकुमार राई (व्याकुल माइला)ले आफ्नो नाममा रहेको घर जग्गाका भोगाधिकार प्रतिष्ठानलाई हस्तान्तरण गर्नुभएको छ । ओखलढुङ्गा जिल्ला मानेभञ्ज्याङ गाउँपालिका–६ हिलेपानीमा रहेको व्याकुल माइलाको नाममा रहेको डेढ रोपनी जग्गा र एक तले कच्ची घर व्याकुल माइलाले प्रतिष्ठानलाई दिनुभएको हो ।

ड्युटी सकेर फर्किंदै गर्दा दुर्घटना हुँदा प्रहरीको मृत्यु

शनिबार राति ड्यूटी सकेर कार्यालय फर्किने क्रममा मोटरसाइकल दुर्घटनामा परी ललितपुरमा एक प्रहरीको मृत्यु भएको छ। अर्का एक व्यक्ति घाइते भएका छन्। महानगरीय प्रहरी परिसर ललितपुरका प्रहरी उपरीक्षक सिद्धिविक्रम शाहका अनुसार मृत्यु हुनेमा ललितपुरको सातदोबाटो प्रहरी वृत्तमा कार्यरत धादिङका प्रहरी जवान ३१ वर्षीय नवीन न्यौपाने छन्।

उन्नाईस करोड रूपियाँकाे लागतमा खानेपानी आयोजना

कपिलबस्तुको बुद्धभुमि नगरपालिका २ गोरुसिंगेस्थित गोरुसिंगे शहरी खानेपानी तथा सरसफाई उपभोक्ता समितिको अगुवाईमा १९ करोड बढी लागतको खानेपानी आयोजनाको शिलान्यास भएको छ । साढे ४ लाख लिटर पानी अटाउने क्षमताको टंकी निर्माणसहितको १९ करोड १० लाखको लागतमा योजना निर्माणको सुभारम्भ गरिएको हो ।

ट्रयाक्टर दुर्घटनामा एकको मृत्यु, तीनजना घाइते

ताप्लेजुङको फुङ्लिङ नगरपालिकामा ट्रयाक्टर दुर्घटना हुँदा एकजनाको मृत्यु भएको छ । तीनजना घाइते भएका छन् । फुङ्लिङ नगरपालिका –९ हाङ्देवाको बुङ्कुलुङमा शनिबार साँझ मे १ त ७७८ नम्बरको ट्रयाक्टर दुर्घटना हुँदा फुङ्लिङ नगरपालिका ८ बस्ने २८ वर्षीय रुपेश राईको मृत्यु भएको हो ।