बाँकेमा चैते धान रोपाइ शुरु, २५ विघा खेतमा धान रोपिदै

बाँकेमा चैते धान रोप्न सुरु गरिएको छ । यस बर्ष बाँकेमा २५ विघा क्षेत्रफलमा चैते धान लगाइँदैछ । फागुनमा राखेको चैते धानको विउँ तयार भएकाले किसानले रोप्न सुरु गरेको कृषि ज्ञानकेन्द्र बाँकेका प्रमुख सागर ढकालले बताउनुभयो ।

वडा अध्यक्ष र प्रमुख प्रशासकीय अधिकृतबिरुद्ध मुद्दा दर्ता

अख्तियार दुरुपयोग अनुसन्धान आयोगको सुर्खेत कार्यालयले हुम्लाको सर्केगाड गाउँपालिका –३ का वडाध्यक्ष गजबहादुर रावत र तत्काली प्रमुख प्रशासकीय अधिकृत यज्ञश्वर पाण्डेसहित चार जनाविरुद्ध भ्रष्टाचार मुद्दा दायर गरेको छ । औषधि खरिदका लागि गाउँपालिकाबाट आएको रकम हिनामिना गरेको आरोपमा अख्तियारले चार जनाविरुद्ध मुद्दा दर्ता गरेको हो ।

जीप दुर्घटनामा नौ जना घाइते

जीप दुर्घटना हुँदा नौ जना घाइते भएका छन् । दैलेख बजारबाट चामुण्डा विन्द्रासैनी नगरपालिका जाँदै गरेको लु २ च ४५५४ नम्बरको बोलेरो जीप नारायण नगरपालिका–२ जाहरकोटमा दुर्घटनामा परेको हो । जिल्ला प्रहरी कार्यालय दैलेखका प्रहरी निरीक्षक इन्द्रजीत सुनारले जीप दुर्घटनामा नौ जना घाइते भएको जानकारी दिनुभयो । घाइतेमध्ये ६ जना सामान्य उपचारपछि डिस्चार्ज भएका छन् । तीन जनालाई थप उपचारका लागि प्रदेश अस्पताल सुर्खेतमा रिफर...

देशको सेवामा एकतावद्ध भएर योगदान गर्नुहोस् : प्रधानसेनापति शर्मा

प्रधानसेनापति प्रभुराम शर्माले जागिरमा रहे पनि नरहे पनि देशको सेवामा लागि रहन भूतपूर्व र वर्तमान नेपाली सेनालाई आग्रह गर्नुभएको छ। २५ नम्बर बाहिनी अड्डाको भवानी दल गण कैलालीको तेघरी ब्यारेकमा आयोजित भूतपूर्व सैनिक सम्मेलन–२०७८ लाई सम्बोधन गनुहुँदै प्रधानसेनापति शर्माले अवकाशका दिनमासमेत समाजलाई एकतावद्ध बनाएर राख्नसमेत आग्रह गर्नुभयो।

बाँकेमा अतिक्रमित संरचना हटाउन शुरु

सडक डिभिजन कार्यालय नेपालगन्जले नेपालगन्ज, कोहलपुर र सुर्खेत सडकखण्ड अन्तर्गत बाँके जिल्लाको जमुनाहादेखि कोहलपुरसम्मको क्षेत्रमा अतिक्रमित संरचना हटाउन सुरु गरिएको छ । सार्वजनिक सडक ऐन, २०३१ ले तोकेको मापदण्ड विपरित निर्माण भएका, सडक अतिक्रमण गरी बनाइएका संरचना डोजर लगाएर विहीबारदेखि भत्काउन सुरु गरिएको कार्यालयका डिभिजन प्रमुख होमबहादुर एसीले बताउनुभयो ।