प्रदेश १ को नाम‘किरात–लिम्बुवान–मधेस–शेपालुङ प्रदेश’ प्रस्ताव : जसपा

जनता समाजवादी पार्टी (जसपा) ले प्रदेश नं १ को नाम ‘किरात–लिम्बुवान–मधेस–शेपालुङ प्रदेश’ राख्नुपर्ने धारणा सार्वजनिक गरेको छ । पछिल्लो समय प्रदेश नं १ को नामाङ्कनको विषयले चर्चा पाइरहेको बेला जसपाले प्रदेशको नाम मौलिक सभ्यता, ऐतिहासिक र राजनीतिक पृष्ठभूमि तथा पहिचानका आधारमा ‘किरात–लिम्बुवान–मधेस–शेपालुङ प्रदेश’ राख्नुपर्ने बताएको हो ।

मधेस प्रदेशसभाको बैठक फागुन २२ गतेसम्म स्थगित

मधेस प्रदेशसभाको बैठक स्थगित भएको छ । मङ्गलबार दिउँसो २ बजे बोलाइएको बैठक स्थगित भएको हो । प्रदेशसभा सचिवालयका सचिव रन्जितकुमार यादवले विशेष कारणले गर्दा प्रदेशसभाको बैठक स्थगन भएकोे बताउनुभयो । उहाँले फागुन २२ सम्मका लागि बैठक स्थगित भएको जानकारी दिनुभयो ।

निर्वाचनमा केन्द्रित हुन अध्यक्ष प्रचण्डको सर्कुलर

नेकपा (माओवादी केन्द्र)ले सबै पार्टी पङ्क्तिलाई स्थानीय तह निर्वाचनको तयारीमा जुट्न निर्देशन दिएको छ । अध्यक्ष पुष्पकमल दाहाल ‘प्रचण्ड’ले एक सर्कुलरमार्फत स्थानीय तहको निर्वाचनको प्रक्रियामा जुट्न र पार्टी सङ्गठनलाई क्रियाशील बनाउन निर्देशन दिनुभएको हो ।

एमसीसीको विपक्षमा मतदान गर्ने नेकपा (एस) को निर्णय

सत्ता साझेदार दल नेकपा (एकीकृत समाजवादी) ले प्रतिनिधिसभा संसदमा प्रस्ताव दर्ता भएको मिलिनियम च्यालेन्ज कर्पोरेशन (एमसीसी) को विपक्षमा मतदान गर्ने निर्णय गरेको छ ।

अन्तर्राष्ट्रिय सम्बन्ध राजनीतिक प्रणालीको आधारमा हुनुहुँदैन : डा. महत

सत्तारुढ दल नेपाली काँग्रेसका प्रवक्ता डा. प्रकाशशरण महतले कुनै पनि देशको राजनीतिक प्रणाली वा विचारधाराका आधारमा अन्तर्राष्ट्रिय सम्बन्ध विकसित गर्न नहुने धारणा राख्नुभएको छ । अमेरिकी आर्थिक सहायता मिलिनियम च्यालेन्ज कर्पोरेशन (एमसीसी) सम्झौताबारे थप स्पष्ट गर्न सोमबार एक पत्रकार सम्मेलनमार्फत उहाँले कुनै पनि देशको सहयोगलाई विवादित बनाउनु दुःखद भएको बताउनुभयो ।