मेलम्चीलाई सम्झेर (कविता)

के ले होला दैव हरे, किन भयो यस्तो घुम्दै फिर्दै दुःख सबै मेरै भागमा प¥यो । बाढी पनि यही छातीको बाटो भई गयो पैरो पनि यही शिरको थाप्लोमाथि खस्यो जन्मिएको थातथलो छोड्नु परे पछी छियाछिया मुटु सबै मेरै भागमा प¥यो ।

पोखरीको रङ (कविता)

खुत्रुक्क खस्छ मेरो मुटु सुतिरहेको पोखरीमा र भिजाउँछ निथ्रुक्क फर्कने गर्छ चन्द्रमा नुहाएर रातमा टेकेर पोखरीमा घामले आनन्द लिन्छ प्रत्येक दिन र, साँझ घर फर्कन्छ देखेर आफ्नै प्रतिविम्ब

आफ्नो ठानी मन खोल्दा (कविता )

आफ्नो ठानी मन खोल्दा उही मान्छे टाढा हुन्छ, भन्न त भन्छन् अरू, दुःख पोख्दा आधा हुन्छ । हाँस्नुपर्ने रै’छ यहाँ मुटु जलाई–जलाई, बाँच्नुपर्ने रै’छ यहाँ पीडा लुकाई–लुकाई । जानीजानी रुवाउने त आफ्नै नाता हुन्छ, भन्न त भन्छन् अरू, दुःख पोख्दा आधा हुन्छ ।

आर्यनघाटमा सुस्ताउँदा

चतुर अङ्ग्रेज शासकले २०औँ शताब्दीको आधाआधीसम्म संसारभर साम्राज्य विस्तारको क्रममा झन्डै अढाइ सय वर्ष भारतमा पनि शासन गरे । अङ्ग्रेज शासकद्वारा भारतमा सम्पन्न कार्यमध्ये हावडा पुलको निर्माण पनि एउटा चमत्कार मानिन्छ । सन् १९२१ मा सुरु गरी १९४३ मा उद्घाटित हावडा पुल दरबार महलको सहर कोलकाताको गौरवमय पहिचान हो । हल्दिया बन्दरगाह हँुदै पैँतालीस माइल दक्षिण गङ्गा सागरतर्फ हाम्फाल्ने पवित्र हुग्ली नदीमाथि निर्मित...

विज्ञानमा तिलस्मी कल्पनाको लेपन

कविता, जीवन दर्शन र आध्यात्मिक क्षेत्रमा कलम चलाएर आधा दर्जन कृति नेपाली वाङ्मयका क्षेत्रमा दिइसक्नुभएका साहित्यकार डा. प्रेमराज न्यौपाने पेसाले इन्जिनियर हुनुहुन्छ । बेलायतबाट इन्जिनियरिङमा उच्चशिक्षा हासिल गर्नुभएका न्यौपानेले नेपाल संस्कृत विश्वविद्यालयबाट ‘मनोवृत्ति र सिद्धि’ विषयमा विद्यावारिधि गर्नुभएको हो । लेखन साधनामा निरन्तर लागिरहनुभएका न्यौपानेको पछिल्लो पटक पाँच खण्डमा विभाजित औपन्यासिक...