हरसिद्धि जात्रा सुरु

ललितपुरको हरसिद्धि गाउँबाट देवगणसहितले सोमबार ल्याएको त्रिशक्ति देवीलाई पनौती बजारस्थित हरसिद्धि पाटीमा राखेर पूजाआजा तथा बलि चढाएर बजार परिक्रमा गराइएको छ । सो क्रममा त्रिवेणीघाटमा रहेको वासुकी नागमा जल चढाएर थुमा (भेडा)को बलि चढाइ पुनः बजार परिक्रमा गर्दै देवघरमा लगेर देवता बिसाउने र फेरि हरसिद्धि डबलीमा देवता पु¥याएको जात्रा मूल व्यवस्थापन समितिले जनाएको छ ।

नवौँ तथा अन्तिम पटक जिब्रो छेडाउँदै बुद्धकृष्ण

मध्यपुरथिमि नगरपालिका बोडेमा हरेक नयाँ वर्षको वैशाख २ गते मनाइने विश्व प्रसिद्ध ‘जिब्रो छेड्ने जात्रा’ मा यस वर्ष नवौँ पटक बोडेका ४९ वर्षीय बुद्धकृष्ण वागं श्रेष्ठले जिब्रो छेडाउनुहुने भएको छ ।

चेपाङ परिवारका लागि आवास निर्माण

चितवनको कालिका नगरपालिकाले घर नभएका चेपाङ परिवारलाई आवास निर्माण गरिदिएको छ । गरिब विपन्न समुदायका चेपाङलाई मेयर आवास कार्यक्रममार्फत घर निर्माण गरेको हो । पालिकाको शक्तिखोर, सिद्धीमा चेपाङ समुदायको बस्ती बाक्लो रहेको छ । गरिबीका कारण सुरक्षित आवास नभएको र आवास नै नभएका परिवारलाई पहिचान गरेर घर निर्माण गरेको कालिका नगरपालिका प्रमुख खु्मनारायण श्रेष्ठले जानकारी दिनुभयो । “हामीले घर नभएका चेपाङ समुदाय सबैलाई...

लालपुर्जाले ल्यायो खुसी

भरतपुर महानगरपालिका–२, आँपटारीको सुकुम्बासी बस्तीका सुकमाया परियारलाई बुधबार जीवनकै सबैभन्दा खुसीको दिन बन्यो । सोही बस्तीमा जीवनको ४० वर्ष बिताएका ६२ वर्षीय सन्तबहादुर विकको पनि बुधबार जीवनकै सबैभन्दा खुसीको दिन मात्र बनेन सोच्दै नसोचेको आश्चर्यको दिन बन्यो ।

माझीफेदाका ६७९ घरमा ‘एक घर, एक धारा’

काभ्रेपलाञ्चोकको कोसीपारिस्थित चौँरीदेउराली गाउँपालिका–३ सलम्बुका ङेमादोर्जे लामा आफ्नै आँगनमा खानेपानी धारा आएपछि औधी खुसी हुनुहुन्छ । गाउँभरिमा एउटा धारा हुँदा पानी थाप्ने भनेर विगतमा हानाथाप हुने गर्दथ्यो । उहाँले भन्नुभयो“ घरकै आँगनमा धाराबाट पानी आउन थाल्यो । पानीको जोहो गर्न छुट्टै समय छुट्याउनुपर्ने बाध्यताको अन्त्य भयो । ”

चोभारमा आदिनाथ लोकेश्वरको जात्रा शुरु

कीर्तिपुर नगरपालिकाभित्र पर्ने चोभार क्षेत्रमा प्रख्यात आदिनाथ लोकेश्वरको जात्रा शुरु भएको छ । चैताष्टमीको दिन हरेक साल चोभार डाँडाको पूर्वमा वागमती र नख्खु दोभानबाट जात्रा शुरु हुन्छ ।

मोटरसाइकलले ठक्कर दिँदा पैदल यात्रुको मृत्यु

मोटरसाइकलले ठक्कर दिँदा तनहुँमा एक वृद्धको मृत्यु भएको छ। पृथ्वीराजमार्गमा पर्ने व्यास नगरपालिका–१२ देउरालीमा लु ७० प १७१९ नम्बरको मोटरसाइकलको ठक्करबाट सोही ठाउँ निवासी ६२ वर्षीय नन्दगोपाल कार्कीको मृत्यु भएको हो। ठक्करबाट गम्भीर घाइते हुनुभएका कार्कीको मणिपाल शिक्षण अस्पतालमा उपचारको क्रममा शुक्रबार दिउँसो मृत्यु भएको जिल्ला ट्राफिक प्रहरी कार्यालय तनहुँका प्रमुख गोकर्ण नेपालले जानकारी दिनुभयो।

तालमेल नगरी एमाले एक्लै निर्वाचनको सामना गर्छ : नेता पोखरेल

नेकपा (एमाले) का वरिष्ठ उपाध्यक्ष ईश्वर पोखरेलले आगामी निर्वाचनमा एमाले कुनै दलसँग तालमेल गरेर निर्वाचनमा नजाने बताउनुभएको छ । प्रेस चौतारी नेपाल चितवनले सोमबार भरतपुरमा गरेको पत्रकार सम्मेलनमा उहाँले सो कुरा बताउनुभयो । ‘एमाले कुनै दलसँग गठवन्धन गरेर स्थानीय निर्वाचनमा जादैन’ उहाँले भन्नुभयो, “स्थानीय आवश्यकताको आधारमा तालमेलबाहेक पार्टीले कसैसँग गठवन्धन गर्दैन ।”

भूमिहीन दलित तथा सुकुम्बासीलाई जग्गाधनी पुर्जा वितरण सुरु

राष्ट्रिय भुमि आयोगले सिन्धुली जिल्लाको दुधौली नगरपालिकाबाट देशमै पहिलो पटक भुमिहिन दलित तथा भुमिहिन सुकुम्बासीलाई जग्गाधनी पुर्जा बितरण सुरु गरेको छ । दुधौली नगरपालिका –९ दोकानडाँडामा आईतबार आयोजित एक कार्यक्रममा भुमि व्यवस्था तथा सहरी विकास मन्त्री शशी श्रेष्ठले १०६ घर परिवार मुसहर परिवारलाई भुमिहिन दलित तथा भुमिहिन सुकुम्बासीलाई जग्गाधनी पुर्जा बितरण गर्नुभयो ।

गोरखापत्रकर्मी पराजुली सम्मानित

ह्याचरी संघ बागमति प्रदेश समितिले गोरखापत्रकर्मी बसन्त पराजुलीलाई सम्मानित गरेको छ । संघको तेस्रो साधरण सभामा पशु सेवा विभागका महानिर्देशक डा. रमानन्द तिवारीले नगदसहित सम्मानपत्रले सम्मानित गर्नुभएको हो ।