बलात्कार अभियोगमा पुनलाई ११ वर्ष कैद

१७ वर्षिया युवतीलाई बलात्कार गरी गर्भपतन गराएको कसुरमा त्रिवेणी गाउँपालिका– १, सल्यानका २५ वर्षीय जनकबहादुर पुनलाई जिल्ला अदालत म्याग्दीले ११ वर्ष कैद फैसला सुनाएको छ । म्याग्दीका जिल्ला न्यायाधीश तेजनारायण पौडेलको इजलासले १७ वर्षीया युवतीलाई बलात्कार गरेर जबरजस्ती गर्भपतन गराएको भन्दै बलात्कार कसुरमा १० वर्ष र गर्भपतन गराएको कसुरमा थप १ वर्ष गरी ११ वर्ष कैद फैसला गरेको हो ।

सालको काठसहित तामाङ पक्राउ

तनहुँमा प्रहरीले अवैध सालको चिरान काठसहित एक व्यक्तिलाई पक्राउ गरेको छ । तनहँुको देवघाट गाउँपालिकाको देवघाटस्थित इलाका प्रहरी कार्यालय देवघाटको प्रहरीले बरामद गरेको हो ।

पत्रकार महासंघका संस्थापक अध्यक्षको निधन

नेपाल पत्रकार महासंघ तत्कालिन धौलागिरि शाखाका संस्थापक अध्यक्ष तथा बागलुङका अग्रज पत्रकार विदुर खडकाको निधन भएको छ । लामो समयदेखि मिर्गौला रोगले ग्रस्त खड्काको उपचारको क्रममा मंगलबार विहान ७९ बर्षको उमेरमा निधन भएको हो । उहाँले २०२२ सालमा गोरखापत्र दैनिकका जिल्ला समाचारदाताको रुपमा काम गर्नुभएको थियो ।

विविधतापूर्ण संस्कृति नेपालको मौलिक पहिचान : प्रदेश प्रमुख गुरुङ

गण्डकी प्रदेशका प्रमुख पृथ्वीमान गुरुङले विविधतापूर्ण संस्कृति नेपालको मौलिक पहिचान भएको बताउनुभएको छ । तामाङ समुदायले नयाँ वर्षका रूपमा मनाउने सोनाम ल्होसारको अवसरमा आज शुभकामना दिँदै उहाँले सोनाम ल्होसारले नेपाली समाजमा सद्भावना बढाउँदै, आफ्नो धर्म, संस्कृति, रीतिरिवाज र परम्पराको संरक्षणमा लाग्न सबैलाई प्रेरित गर्दै आएको उल्लेख गर्नुभयो ।

लमजुङमा बहुप्राविधिक शिक्षालयको भवन निर्माण सुरु

लमजुङको राइनास नगरपालिका ८, कुसुण्डेचौरमा राइनास बहुप्राविधिक शिक्षालयको भवन निर्माण कार्य सुरु भएको छ । प्राविधिक शिक्षा तथा व्यवसायीक तालिम परिषद् (सिटीईभीटी) को आंगिक शिक्षालयको रुपमा रहेको बहुप्राविधिक शिक्षालयको एक कार्यक्रमबीच शिलन्यास भएको छ ।

अस्पतालका विरामीलाई आरामदायी बेड सुविधा

तनहुँको शुक्लागण्डकी नगरपालिका –५ बेलचौतरास्थित जिपी कोइराला राष्ट्रिय श्वासप्रश्वास उपचार केन्द्रमा आरामदायी बेड जडान गरिएका छन् । विरामीलाई उपचारको क्रममा सहजकता प्रदान गर्न सङ्घीय सरकारको आर्थिक सहयोगमा जडान गरिएको केन्द्रले जनाएको छ । सङ्घीय सरकारको आर्थिक सहयोगमा २५ वटा अत्याधुनिक एचडियु (हाइ डिपेन्डेन्सी युनिट) बेड जडान गरिएको केन्द्रका कार्यकारी निर्देशक डा. रामकुमार श्रेष्ठले जानकारी दिनुभयो ।

हर्क गुरुङ प्रतिष्ठानलाई आठ लाख रुपियाँ सहयोग

भूगोलविद् डा. हर्क गुरुङ प्रतिष्ठानलाई बेलायतबाट सहयोग प्राप्त भएको छ । गुरुङ समुदायभित्रको ल्हेंगे थर भएकाहरु आबद्ध भएको संस्था ल्हेंगे तमु समाज युकेले प्रतिष्ठानलाई आठ लाख रुपियाँ सहयोग गरेको हो ।

तीन पालिकामा अस्पताल भवन निर्माण सुरु

म्याग्दीका तीन स्थानीय तहमा बल्ल अस्पतालको भवन निर्माण सुरुआत भएको छ । जग्गा व्यवस्थापन, प्राविधिक तयारी र ठेक्का प्रक्रिया पूरा गरेर मङ्गला गाउँपालिकाको अर्मन हाडेभिरमा १०, अन्नपूर्ण गाउँपालिकाको दोबा र धवलागिरि गाउँपालिकाको ताकममा पाँच–पाँच शय्या क्षमताको अस्पतालको भवन बनाउन थालिएको हो ।

सुन्तला बेचेर साढे दुई करोड रुपियाँ आम्दानी

बागलुङ नगरापालिका– ८ सिगानाका सुन्तला उत्पादक कृषकले यस बर्ष सुन्तला विक्रीबाट करिव साढे दुई करोड रुपियाँ गाउँ भित्र्याउन सफल भएका छन् । सुन्तला उत्पादनको लागि मौषम प्रतिकुल तथा विक्री गर्नेबेला औसा किराको प्रकोप भएपनि राम्रा राम्रा छनोट गरेर विक्री गर्दा सो रकम गाउँ भित्रिएको हो । यस बर्ष सिगानाको केही कृषकले आफै पोखरा लगेर विक्री गरेको बताएका छन् । कसैको सुन्तला बगैचामा व्यापारीले खरिद गरेर लगेको बताएका छन्...

कर्मचारीमा कोरोना पुष्टि भएपछि मालपोत कार्यालय बन्द

मालपोत कार्यालय तनहुँमा कार्यरत केही कर्मचारीमा कोरोना सङ्क्रमण भएपछि सेवा पाँच दिनका लागि स्थगित गरिएको छ। माघ १६ देखि २१ गतेसम्मको लागि सेवा प्रवाह बन्द गरिएको कार्यालयले जनाएको छ। केही कर्मचारीमा सङ्क्रमण भएको कार्यालयमा समेत सेवाग्राहीको अवस्थामा भीड बढेपछि सेवा स्थगित भएको हो। प्रमुख मालपोत अधिकृत चिरञ्जीवी पौडेलले सार्वजनिक गर्नुभएको विज्ञप्तिमा पाँच दिनका लागि सेवा बन्द गरिएको जानकारी गराइएको छ।