राष्ट्रियसभा निर्वाचन : गण्डकीमा सत्ता गठबन्धन विजयी

राष्ट्रियसभा निर्वाचनमा गण्डकी प्रदेशमा सत्ता गठबन्धन विजयी भएको छ । निर्वाचनमा सत्ता गठबन्धनबाट महिलातर्फ नेपाली कांग्रेसका कमला पन्त विजयी हुनुभएको हो । पन्त तीन हजार ८४ मत ल्याएर विजयी हुनुभएको हो । नेकपा एमालेका लीला पोखरेल थनेतलाई दुई हजार सात सय २४ मत ल्याएर पराजित हुनुभयो ।

सङ्क्रमण बढेपछि तनहुँ प्रशासनद्वारा आलोपालो सेवा

कोरोना सङ्क्रमण बढेसँगै जिल्ला प्रशासन कार्यालयले बार अनुसारको सेवा प्रवाह गर्ने व्यवस्था गरेको छ । कोभिड सङ्क्रमण दिनदिनै बढ्दै गइरहेको र कार्यालयमा खोपकार्डको व्यवस्था अनिवार्य गर्दा पनि भीड कम नभएपछि दिनअनुसार सेवा प्रदान गरिएको सहायक प्रमुख जिल्ला अधिकारी काशीराम गैरेले जानकारी दिनुभयो ।

स्याङ्जाको एउटै गाउँबाट एक करोड रुपियाँ बढीको सुन्तला बिक्री

यहाँको एउटै गाउँबाट यस पटक एक करोड रुपियाँभन्दा बढीको सुन्तला बिक्री भएको छ । स्याङ्जाको गल्याङ नगरपालिका– ७ सिरौंसा गाउँका किसानले यस पटक सुन्तला बिक्रीबाट एक करोड २५ लाख रुपियाँभन्दा बढी आम्दानी गाउँमा भित्र्याएका हुन् ।

घलेगाउँमा हिउँ पर्‍यो, जनजीवन कष्टकर

स्मार्ट भिलेज घलेगाउँमा हिउँ पर्न थालेको छ । लमजुङको क्व्होलासोंथर गाउँपालिका ३ स्थित पर्यटकीय गाउँ घलेगाउँमा बुधबार दिउँसोबाट हिउँ पर्न थालेको हो ।

लमजुङ प्रशासनको सेवा प्रवाह आलोपालो

ओमिक्रोन संक्रमण बढ्दै गएपछि जिल्ला प्रशासन कार्यालय लमजुङले सेवा प्रवाह आलोपालो गर्ने भएको छ । लमजुङमा दिन प्रतिदिन तीब्र रुपमा संक्रमण बढ्दो रहेकाले बुधबारबाट स्थानीय तहका नागरिकलाई आलोपालो सेवा दिने भएको हो । प्रमुख जिल्ला अधिकारी सुशील वैद्यका अनुसार साताको ६ दिन जिल्लाका ८ वटा स्थानीय तहका नागरिकलाई पालैपालो सेवा प्रवाह गरिने छ ।

कोरोना संक्रमित परिवारलाई आर्थिक सहयोग प्रदान

कोरोना भाइरस (कोभिड १९) संक्रमणका कारण मृत्यु भएका व्यक्तिको परिवारले स्वास्थ्य कार्यालय लमजुङबाट आर्थिक सहायता पाएका छन् । कोरोनाबाट मृत्यु भएका ३८ जनाको परिवारले कार्यालयबाट ५० हजार रुपियाँका दरले १९ लाख रुपियाँ आर्थिक सहायता प्राप्त गरेको कार्यालयले जनाएको छ ।

ई–पासपोर्ट अनलाइन फाराममा मनपरी शुल्क

जिल्ला प्रशासन कार्यालय तनहुँको गेट अगाडि विद्युतीय राहदानी (ई–पासपोर्ट) का लागि अनलाईन फाराम भर्दा व्यवसायीले मनपरी शुल्क लिनेगरेका छन् । विद्युतीय राहदानीका लागि व्यवसायीद्वारा सेवाग्राहीको अनलाइनबाट फाराम भरेबापत चर्को शुल्क लिइएको पाइएको छ । जिल्लाबाटै पुस ३० गतेबाट यो सेवा सुरु भएपछि काठमाडौं जानुपर्ने बाध्यता भने हटेको थियो । तर व्यवसायीहरुले फाराम भर्ने सेवा उपलब्ध गराउनेक्रममा अत्यधित शुल्क तिरी सेवा...

गाँउमा अझै जीवित छ कटुवाल प्रथा श्रीमानको जिम्मा सम्हाल्दै रुपा

आँधीखोला गाउँपालिका १ राजास्वाराकी ८० वर्षीया रुपा कटुवाललाई कटुवाल पेशा सम्हालेको १७ वर्ष पुगेको छ । ससुरा हुँदै श्रीमानको जिम्मामा आएको जिम्मेवारी श्रीमानको शेष पश्चात उहाँले कटुवालको जिम्मा सम्हाल्नुभएको हो ।

कर्मचारीलाई कोरोना भएपछि मालपोत सेवा बन्द

कर्मचारीमा कोरोना संक्रमण पुष्टि भएपछि मालपोत कार्यालय बागलुङले अत्यावश्यक बाहेकका सेवा बन्द गरेको छ । कार्यालयका चार जना कर्मचारीको एन्टिजिन परीक्षण गर्दा कोरोना पुष्टि भएपछि अर्काे सुचना जारी नभएसम्मका लागि नियमित सेवा प्रवाह स्थगन गरेको हो ।

मर्स्याङ्दी जलविद्युत आयोजनाको उत्पादन घट्यो

तनहुँको आँबुखैरेनी गाउँपालिका–४ मा रहेको मर्स्याङ्दी जलविद्युत केन्द्रको विद्युत उत्पादन घटेको छ । चिसो बढेपछि हिउँ नपग्लिएको र सुख्या मौसम भएकाले वर्षा नहुँदा नदीमा पानीको बहाव कम भएपछि उत्पादन घटेको केन्द्रका प्रमुख बद्री फूयाँलले जानकारी दिनुभयो ।