लोकमार्गको काममा ढिलासुस्ती हुँदा विरोध

राष्ट्रिय गौरवको आयोजना पुष्पलाल मध्यपहाडी लोकमार्गको बागलुङ–घोडाबाँधे खण्ड स्तरोन्नति तथा कालोपत्र गर्न ढिलासुस्ती गरेको भन्दै स्थानीय युवाले विरोध गरेका छन् । काठेखोला गाउँपालिका वडा नं ५ र ६ बिहुँका युवाले कालो झण्डा र हातमा कालोपट्टी बाँधेर विरोध गरेका हुन् । सडकमा निस्किएका युवाले जनतालाई सास्ती दिने काम भएको भन्दै सांकेतिक विरोध गरेका हुन् । दुई खण्डमा काम भइरहेको उक्त सडकको बिहुँ खण्ड तत्काल कालोपत्र...

काँग्रेस म्याग्दीको सातौं जिल्ला अधिवेशन सुरु

नेपाली काँग्रेस म्याग्दीको आगामी नयाँ नेतृत्व चयनका लागि सातौं जिल्ला अधिवेशन बेनीमा सुरु भएको छ । अधिवेशनमार्फत पार्टीको १४ औंं राष्ट्रिय महाधिवेशनमा भाग लिने प्रतिनिधिहरु पनि चयन गर्ने जनाइएको छ ।

जनगणनामा समावेश नहुने कायत समुदायको घोषणा 

पहिचानविहीन रहेका बागलुङका कायत समुदायले जनगणनामा समावेश नहुने घोषणा गरेका छन् । राज्यले पहिचान नदिएर बेवास्ता गरेको भन्दै जनगणना २०७८ मा समावेश नहुने कायत समुदायले निर्णय गरेको छ ।

थारू समुदायको मेडरी नाच लोप हुने चिन्ता

पूर्वी नवलपरासी जिल्ला थारू समुदायको बाहुल्यता रहेको जिल्ला हो । थारू समुदायको आफ्नै मौलिक कला, संस्कृति छन् । ती कला, संस्कृतिको जगेर्ना गर्नका लागि यहाँका थारू समुदायका अगुवाहरूले पहल गर्दै आएका छन् । तर पनि थारू समुदायको पुरानो नाच मेडरी नाच लोप हुँदै गएको छ । थारू समुदायका अन्य नाच युवापुस्ताले जगेर्ना गर्दै आएको भए पनि मेडरी नाचप्रति युवापुस्ताले चासो नदिएको थारू अगुवाहरू बताउँछन् । दैवीशक्तिमा आधारित मेडरी...

चिसोसँगै जिल्ला अस्पतालमा विरामीको चाप बढ्यो

चिसो बढेसँगै जिल्ला अस्पताल लमजुङमा विरामीको चाप बढेको छ । मौसममा आएको परिवर्तनसँगै चिसो बढेपछि निमोनिया, रुघाखोकी र हाडजोर्नीका विरामीको चाप बढेको जिल्ला अस्पताल लमजुङले जनाएको छ ।

कालीगण्डकीमा स्नान गर्ने भक्तजनको घुइँचो

हरिबोधनी एकादशीका अवसरमा पवित्र कालीगण्डकी नदीमा स्नान गर्न हजारौँको सङ्ख्यामा भक्तजनको भीड लागेको छ । मोदीखोला र कालीगण्डकी नदीको सङ्गममा पर्ने पर्वतको मोदीवेणी धाम, जैमिनी घाट, विश्वकै ठूलो शालिग्राम शिला रहेको दक्षिण पर्वतको शालिग्रामस्थित सेतीवेणी, गोपाङघाट, पुर्तिघाट, जैमिनीघाटलगायतका स्थानमा स्नान गर्ने भक्तजनको घुइँचो लागेको छ ।

हिमपहिरोमा १२० चौरी बेपत्ता

मुस्ताङको थासाङ गाउँपालिका–२ को जङ्गलमा चराउन लगिएका १५० याक र चौरी हिमपहिरोमा परेर बेपत्ता भएका छन् । कोवाङ, लार्जुङ, बोक्सीखोला र नाउरिकोटको शिरमा रहेको मानापाथी हिमालबाट खसेको हिउँपहिरोमा परेर दुई गोठका याक र चौँरीगाई बेपत्ता भएका हुन् । हिउँपहिरोले नाउरीकोटकी रत्नकुमारी शेरचनको घरको छानो उडाएको वडा अध्यक्ष नरप्रसाद हीराचनले जानकारी दिनुभयो । “भागदौड मच्चिदा सामान्य घाइते भएका कोबाङको जनआदर्श अमरसिङ माविका...

तनहुँका दुई पालिकामा आज सार्वजनिक बिदा

हरिबोधनी एकादशी पर्वका अवसरमा तनहुँका शुक्लागण्डकी र व्यास नगरपालिकाले आज सार्वजनिक बिदा दिने निर्णय गरेका छन् । शुक्लागण्डकीको आइतबार बसेको बैठकले सार्वजनिक बिदा दिने निर्णय गरेको हो । नगरपालिकाले विगत दुई वर्षदेखि बिदा दिन थालेको छ ।

गोरखाबाट एमालेको पन्ध्रजना महाधिवेशन प्रतिनिधि छनौट

नेकपा (एमाले) को आसन्न महाधिवेशनका लागि गोरखाबाट १५ जना महाधिवेशन प्रतिनिधि छनौट भएका छन् । आगामी मंसिर १० गतेबाट सुरु हुने १० औँ राष्ट्रिय महाधिवेशनका लागि सर्वसम्मत रुपमा १५ जना प्रतिनिधि चयन गरिएको एमाले गोरखाका सचिव कृष्ण नेपालीले जानकारी दिनुभयो ।

मुस्ताङमा हिमपहिरोमा परी १५० चौंरी हराए

हिमालपारीको जिल्ला मुस्ताङको थासाङ गाउँपालिका क्षेत्रमा पर्ने टुकुचे हिमालमा हिमपहीरो जाँदा १५० भन्दा धेरै चौरीगाई हराएका छन् ।