हर्बल हब बन्दै म्याग्दीको दुर्गम स्थान गुर्जा   

म्याग्दीको सबैभन्दा दुर्गम गाउँका रुपमा चिनिएको धौलागिरि गाउँपालिका–१ मा पर्ने गुर्जा गाउँ पछिल्लो समय पर्यटन र जडीबुटीका कारण देश विदेशमा परिचित हुन थालेको छ ।    

डाँकाचोरी मुद्दाका फरार दुई जना पक्राउ

लमजुङ प्रहरीले डाँकाचोरी मुद्दामा फरार रहेका दुई जनालाई पक्राउ गरेको छ । जिल्ला प्रहरी कार्यालय लमजुङबाट खटिएको विशेष टोलीले डाँकाचोरी मुद्दामा फरार रहेका मर्स्याङ्दी गाउँपालिका ६ का ४५ वर्षीय प्रकाश कतिला र मर्स्याङ्दी गाउँपालिका ९ का ३१ वर्षीय धुरमुस भन्ने अम्मरबहादुर घिमिरेलाई पक्राउ गरेको हो ।

लमजुङमा सामाजिक विकास कार्यालय स्थापना

लमजुङमा सामाजिक विकास कार्यालय स्थापना भएको छ ।गण्डकी प्रदेशको शिक्षा, संस्कृति, विज्ञान, प्रविधि तथा सामाजिक विकास मन्त्रालय अन्तर्गत सामाजिक विकास कार्यालय स्थापना भएको हो ।

प्रजातन्त्र सेनानी गोवर्धन शर्माको स्मृतिमा आँखा उपचार केन्द्र स्थापना

प्रजातन्त्रका सेनानी तथा नेपाली काँग्रेस तनहुँका संस्थापक नेता गोवर्धन शर्मा पोखरेलको सम्झनामा गोवर्धन शर्मा मेमोरियल आँखा उपचार तथा अनुसन्धान केन्द्र सञ्चालनमा ल्याइएको छ ।

चार दिनदेखि मालपोतमा सामान्य बाहेकको काम ठप्प

बिगत चार दिन यता मालपोत कार्यालय गोरखामा अहिले काम ठप्प प्राय छ । सामान्य जग्गा रजिष्ट्रेशन र धितोपत्र बन्धकको कामबाहेक अन्य काम हुन नसकेको कार्यालयले जनाएको छ । केही समयअघि जिम्मेवारी सम्हालेका प्रमुख मालपोत अधिकृत बासुदेव खतिवडा विशेष कामले जिल्ला बाहिर रहनुभएको छ ।

तनहुँ काँग्रेसको क्षेत्रीय सभापतिमा मौरती र खनाल विजयी

नेपाली काँग्रेस तनहुँको क्षेत्र नम्बर १ को सभापतिमा श्यामकुमार मौरती र क्षेत्र नम्बर २ को सभापतिमा चुडामणी खनाल विजयी हुनुभएको छ । मौरतीले विश्वनाथ बास्तोलालाई ८३ मतले पछि पार्दै र खनालले कृष्णराज पण्डितलाई ५१ मतले पछि पार्दै सभापति पदमा निर्वाचित हुनुभएको हो ।

शिक्षक र विद्यार्थीमा कोभिड–१९ भएपछि दुई विद्यालय बन्द

हिमालपारीको जिल्ला मुस्ताङको थासाङ गाउँपालिकाका दुई वटा विद्यालयका विद्यार्थी तथा शिक्षकमा कोभिड–१९ संक्रमण पुष्टि भएपछि पठनपाठन बन्द भएको छ । गाउँपालिका—३, लेतेको ज्ञानोदय माध्यमिक बिद्यालय र टुकुचेको योगेन्द्र माध्यमिक विद्यालय बन्द भएको हो ।

काँग्रेस महाधिवेशन : स्याङ्जामा रेग्मी र खाँण विजयी

नेपाली कांग्रेस स्याङ्जाको क्षेत्र नम्बर १ मा तुलसीराम रेग्मी र क्षेत्र नरुम्बर २ मा दिलिपप्रताप खाँण निर्वाचित हुनुभएको छ । दुई युवा नेता राजु थापा र भगवत प्रकाश मल्लले प्यानल बनाएर भएको निर्वाचनमा दुबैतर्फ आ–आफना प्यानलसहित विजयी हुनुभएको हो । क्षेत्र नम्बर १ मा थापा प्यानल र क्षेत्र नम्बर २ मा मल्ल प्यानलले कार्यसमितिमा जितेको हो ।

सातादेखि हराइरहेकी महिला मृत फेला

गोरखामा एक सातादेखि हराइरहेकी एक महिला मृत भेटिएकी छिन् । गोरखा नगरपालिका–१२ नयाँबस्तीकी ६५ वर्षीया डोल्मा तामाङ मृत भेटिएकी हुन् ।

६ के.जी. लागुऔषध (गाँजा) सहित पक्राउ

लमजुङ प्रहरीले हालसम्मकै ठूलो परिमाणमा लागुऔषध (गाँजा) सहित एक जनालाई पक्राउ गरेको छ । प्रहरीले मध्यनेपाल नगरपालिका ५ समिभन्ज्याङका ३० बर्षीय विनोद शाहीलाई ६ के.जी. लागुऔषध (गाँजा) सहित पक्राउ गरेको हो । आफ्नै घरमा अवैधरुपमा लागुऔषध (गाँजा) विक्री वितरण गर्न सञ्चय गरी राखेको विशेष सूचनाको आधारमा प्रहरीले खोजतलास गरी पक्राउ गरेको हो ।