ङावोल र घ्यारु जोड्ने पुल निर्माणको काम अलपत्र

हिमाली जिल्ला मनाङमा पुलको निर्माणकार्य नसकिँदै अलपत्र परेको छ । सदरमुकाम चामेबाट माथिल्लो मनाङतर्फ सडकसँगै थालिएका पुलको निर्माण नसकिँदै अलपत्र परेको हो । हुम्डे विमानस्थल नजिकैबाट ङावल जान मस्र्याङ्दी नदीमाथि ‘स्टिल गर्डर ब्रिज’ निर्माणका लागि ग्वाला–क्याराभान जेभी काठमाडौँले २०७५ मङ्सिर १५ मा सक्ने गरी पुल निर्माण सम्झौता गरेको थियो । म्याद सकिएको तीन वर्ष बितिसक्दा पनि पुलको निर्माण भने अझै सम्पन्न भएको...

बन्दीपुरको टुँडीखेलबाट खसेर बालकको मृत्यु

तनहुँको बन्दीपुर गाउँपालिका–४ बन्दीपुरको टुँडिखेलबाट खसेर एकजना बालकको मृत्यु भएको छ । बन्दीपुर– २ हल्थुमका बस्ने टेकबहादुर गुरुङको १७ वर्षिय छोरा कृजन गुरुङको बुधबार साँझ टुँडीखेलको उत्तरी क्षेत्रमा रहेको छङ्गाछुर भिरबाट खस्दा मृत्यु भएको इलाका प्रहरी कार्यालय बन्दीपुरका प्रहरी निरीक्षक विकास अधिकारीले जानकारी दिनुभयो ।

‘तोरन ल्ह’ मनाउँदै थकाली समुदाय

म्याग्दी र मुस्ताङमा बसोबास गर्ने अल्पसङ्ख्यक जनजाति थकाली समुदायमा ‘तोरन ल्ह’ (फागु पूर्णीमा) पर्वको रौनक छाएको छ । नेपालका विभिन्न क्षेत्रमा करिब दश हजार जनाको सङ्ख्यामा बसोबास गर्ने थकाली समुदायले फागु पूर्णिमाका अवसरमा हरेक वर्ष तीन दिनसम्म परम्परागत तोरन ल्ह पर्व मनाउने गर्दछन् । तोरन ल्ह मनाउन घरबाहिर र विदेशमा रहेका थकाली समुदाय आफ्नो जन्मथलो फर्कीएका छन् । तोरन ल्हमा थकाली समुदायले घर सिँगार पटार गरेका...

गैंडाकोटको बयानपछि कलाकार शाहलाई पूनः दमौली ल्याईयो

बलात्कार अभियोगमा प्रहरी नियन्त्रणमा रहनु भएका कलाकार पल शाहसँग गैंडाकोट प्रहरीले बयान सकेपछि बुधबार पूनः तनहुँ ल्याईएको छ । तनहुँमा प्रहरी हिरासतमै रहेकाबखत कलाकार शाहविरुद्ध नवलपुर जिल्लाको गैंडाकोटमा समेत उजुरी परेपछि बयानका लागि गैंडाकोट लगिएको थियो ।

वन कार्यालयद्वारा हिमाली गिद्धको उद्धार

लमजुङको सुन्दरबजार नगरपालिका १० धुसेनीबाट हिमाली गिद्धको उद्धार गरिएको छ । धुसेनीको सौभाग्य सदन माध्यमिक विद्यालयको नजिकै घाइते अवस्थामा भेटिएको गिद्धको डिभिजन वन कार्यालय लमजुङले उद्धार गरेको हो ।

सुन्दरबजारका भूमिहीन सुकुम्बासीको लगत सङ्कलन हुँदै

लमजुङको सुन्दरबजार नगरपालिकाले भुमिहीन दलित, भूमिहीन सुकुम्बासी तथा अव्यवस्थित बसोबासीहरुको लगत संकलन गर्ने प्रक्रिया सुरु गरेको छ । नगरपालिकाभित्रका वास्तविक भूमिहीन दलित, भूमिहीन सुकुम्बासी र अव्यवस्थित नागरिकको वास्तविक तथ्याङ्क नआएकाले लगत संकलन गर्न लागिएको नगरपालिकाका प्रमुख जनकराज मिश्रले बताउनुभो ।

कालीगण्डकीमा जलविहारको सम्भाव्यता अध्ययन

तनहुँको घिरिङ गाउँपालिकाले कालीगण्डकी नदीमा जलविहार सञ्चालनका लागि सम्भाव्यता अध्ययन गरेको छ । पोखरास्थित प्याडल नेपालको प्राविधिक सहयोगमा गाउँपालिकाले सम्भाव्यता अध्ययन गरेको हो । गाउँपालिकालाई पर्यटनको माध्यमबाट विकास गर्ने उद्देश्यसहित जलविहार सञ्चालन गर्ने सोच बनाइएको अध्यक्ष रनबहादुर रानाले जानकारी दिनुभयो । “ जलविहारको व्यवस्था गरेर पर्यटन प्रवद्र्धन गर्ने लक्ष्यसहित सम्भाव्यता अध्ययन गरेका हौँ,...

स्तरोन्नति नगरे गोरखाका सबै एम्बुलेन्स बन्द हुने सरोकारवालाको चिन्ता

जिल्लामा ‘ग’ श्रेणीका एम्बुलेन्स मात्र भएपछि सरकारले ती एम्बुलेन्सलाई हटाउने नीति अघि सारेको छ । एम्बुलेन्स निर्देशिका २०७७ अनुसार स्तरीय एम्बुलेन्स मात्र सञ्चालन गर्न पाइने व्यवस्था छ ।

नाचगान गरेर शिक्षकलाई तलब भत्ता

धौलागिरि गाउँपालिका–१ गुर्जाका बासिन्दाले नाचगान गरेर शिक्षकको तलब भत्ता जुटाउने गरेका छन् । जनकल्याण माविका निजी स्रोतका शिक्षकको तलव र तल्लो तहको दरबन्दी भए पनि माथिल्लो तहमा अध्यापन गराउने शिक्षकको भत्ता नाचगान गरेर जुटाउने गरेका हुन् । विद्यालय व्यवस्थापन समितिका अध्यक्ष गुनराम छन्त्यालले गाउँमा विदेशबाट आउने ‘लाहुरे’लाई स्वागत, विवाह, छेवार, गुन्युचोली देखाउने, किरिया, चौरासी पुजामा नाचगान गरेर शिक्षकको...

भालेको डाकसँगै पानी लिन पधेँरामा धाउनुपर्ने अवस्था अन्त्य

पश्चिम म्याग्दीका पाँच गाउँमा खानेपानीको समस्या समाधान भएपछि अहिले दैनिकी फेरिएको छ । मालिका गाउँपालिकाको विम, देवीस्थान, रुम, मङ्गला गाउँपालिकाको बरङ्जा र अर्मनमा स्थानीय सरकारले खानेपानी आयोजना सञ्चालन गरेपछि यहाँको दैनिक सहज भएको हो । गाउँगाउँमा पानी पुगेपछि अहिले सबेरै खानेपानीकै निम्ति भौतारिनुपर्ने बाध्यताबाट मुक्त भएको वरंजाका इन्द्रबहादुर रोकाले जानकारी दिनुभयो ।