गठबन्धन जोगाउनु सरकारको दायित्व हो : गृहमन्त्री खाँण

गृहमन्त्री बालकृष्ण खाँणले आगामी तीन तहकै चुनावसम्म गठबन्धन बचाउनु सरकारको दायित्व भएको बताउनुभएको छ । तनहुँको सदरमुकाम दमौलीमा सञ्चालित आठौं तनहुँ महोत्सवको सोमबार यहाँ समापन गर्दै गृहमन्त्री खाँणले सो कुरा बताउनु भएको हो ।

भुलभुलेखारमा रहेको तातोपानीबारे अध्ययन सुरु

पालुङटार नगरपालिका १ खोप्लाङस्थित भुलभुलेखारको अध्ययन सुरु भएको छ । त्रिभुवन विश्वविद्यालयका प्राध्यापक डा. भूपती न्यौपाने र डा बिनोद बानियाँले अध्ययन थाल्नुभएको हो । ‘यसको मुख्य उद्देश्य मानव स्वास्थ्यका लागि कति खतरा छ भन्ने कुरा पत्ता लगाउनु हो,’ डा. न्यौपानेले भन्नुभयो । ‘यसले स्थानीय पर्यटन प्रवद्र्धन गर्न कति मद्दत गर्न सक्ला भन्ने कुराको अध्ययन पनि हामी गर्छौंं’ उहाँले बताउनुभयो ।

पुलबाट खस्दा आठ घाइते

चापाकोट नगरपालिका ८ कालीगण्डकी नदीमा दामाचौर र रामपुर जोड्ने निर्माणाधीन पक्की पुलबाट खस्दा आठ जना घाइते भएका छन् । घाइते हुनेमा रौतहट बस्ने २४ वर्षीय प्रेम धन पटेल, बारा बस्ने २२ वर्षीय रामनिवास कुमार पटेल, हरिहरपुर ८ बस्ने २८ वर्षीय जितेन्द्र पटेल रहेका छन् ।

मस्र्याङदीका चारसय ४३ जनाले पाए रोजगार

लमजुङको मस्र्याङदी गाउँपालिकाका चारसय ४३ जना बेरोजगार व्यक्तिले रोजगार पाएका छन् । गाउँपालिकामा सञ्चालन भएको प्रधानमन्त्री रोजगार कार्यक्रम अन्तर्गत युवाले रोजगार पाएका हुन् ।

जनआदेशमाथि घात गरेकाले एमाले छाडेँ : मन्त्री श्रेष्ठ

श्रम, रोजगार तथा सामाजिक सुरक्षामन्त्री कृष्णकुमार श्रेष्ठ ‘किसान’ ले एमालेले जनादेशमाथि घात गरेकाले एमाले छोडेको बताउनु भएको छ । तनहुँको भिमाद नगरपालिका भिमाद बजारमा कार्यकर्ता भेलालाई सम्बोधन गर्दै मन्त्री श्रेष्ठले पाँच वर्षको लागि सरकार चलाउन जनताले मत दिएको भएपनि त्यसको अपमान गरेर प्रतिनिधी सभा विघटन गरकाले साथ छाडेको बताउनुभयो ।

जङ्गली च्याउ खाँदा १० जना बिरामी

जङ्गली च्याउ खाँदा तनहुँमा दश जना बिरामी भएका छन् । म्याग्दे गाउँपालिका –३ धयेरे बस्ने ४६ वर्षीय पार्बती थापा र सोही स्थान निवासी २४ jर्षीय सरिता थापाले नजिकको जङ|गलबाट ल्याएको च्याउ पकाएर खाँदा परिवारका सदस्यसहित alरामी भएको प्रहरीले जनाएको छ ।

क्षेत्रप्रताप साहित्य पुरस्कार कोईरालाई

क्षेत्रप्रताप साहित्य स्मृति पुरस्कार –२०७८ वरिष्ठ लोकदोहोरी गायिका हरिदेवी कोइरालालाई दमौलीमा प्रदान गरिएको छ । गीतल प्रतिष्ठान नेपाल तथा नाटक मञ्च तनहुँद्वारा आयोजित कार्यक्रममा उहाँलाई सो पुरस्कार अर्पण गरिएको हो ।

लमजुङमा चैत २५ देखि टाइफाइड रोगविरुद्ध खोप

लमजुङमा चैत २५ गतेदेखि ३० गतेसम्म टाइफाइड रोगविरुद्ध खोप अभियान सञ्चालन हुनेभएको छ । टाइफाइड रोगविरुद्ध खोप अभियान २०७८–७९ अन्तर्गत लमजुङमा अभियान सञ्चालन हुन लागेको स्वास्थ्य कार्यालय लमजुङले जनाएको छ ।

बलात्कार आरोपमा पक्राउ

पाल्पामा १२ वर्षकी बालिकालाई जबर्जस्ती करणी गर्ने एक जना पुरुष पक्राउ परेका छन् । पक्राउ पर्नेमा तिनाउ गाउँपालिका –१, बस्ने ४८ वर्षका कोशलबहादुर हिस्की रहेका छन् ।

जनजातिका नमुना गाउँले दर्शक लोभ्यायो

आठौं तनहुँ महोत्सवमा पदर्शन गरिएको जनजाति नमुना गाउँले दर्शकलाई लोभ्याएको छ । महोत्सव परिसरमा राखिएको जनजाती नमुना गाउँमा निर्माण गरिएका आदिवासी जनजातिको नमुना घरहरु राखिएकाले दर्शकको मन जितेको हो । लोपोन्मुख घरमा बसेर फोटो खिच्ने टिकटक बनाउनेको भिड लाग्नेगरेको छ ।