बझाङमा आइसीयू सञ्चालनका लागि जनशक्ति अभाव

जिल्ला अस्पताल बझाङमा भेन्टिलेटर सञ्चालनका लागि दक्ष जनशक्ति अभाव भएको छ । सुदूरपश्चिम प्रदेश सरकारद्वारा प्रत्येक पहाडी जिल्लामा दुईवटा भेन्टिलेटरसहित आइसीयू कक्ष राख्ने निर्णयअनुरुप उक्त आइसीयु शय्या ल्याइएको हो । गत वर्ष नै जिल्लामा ल्याइएको उक्त मेसिन सञ्चालन गर्नका लागि दक्ष जनशक्ति अभाव रहेको छ । कोरोना महामारीको दोस्रो भरियन्टको बेला जिल्लामा श्वासप्रश्वासका बिरामीका लागि ल्याइएको भए पनि दक्ष जनशक्तिको...

दार्चुलाको खलंगामा खानेपानी समस्या

दार्चुला सदरमुकाम खलंगास्थित महाकाली नगरपालिका–४ र ५ मा खानेपानी समस्या भएको छ । गत पाँच दिनदेखि बजार क्षेत्रमा पानीको आपूर्ती बन्द भएपछि खानेपानीको हाहाकार भएको हो ।

कैलालीमा १८ वर्षपछि लक्ष्मण सारस देखिए

कैलालीमा १८ वर्षपछि लक्ष्मण सारस देखापरेका छन् । टीकापुर नगरपालिकाको श्रीलङ्का टापुस्थित कर्णाली नदीको तल्लो तटीय क्षेत्रमा १४ वटा लक्ष्मण सारस देखापरेका हुन् । यही वर्ष सो क्षेत्रमा पहिलो पटक स्वेतमाथा कलहाँस पनि देखिएका थिए । नेपालमा पाइने चार प्रजातिका सारसमध्ये लक्ष्मण सारस आगन्तुक प्रजाति रहेको नेपाल पंक्षी संरक्षण सङ्घ (बीसीएन) मा कार्यरत चराविद हिरुलाल डङ्गौराले बताउनुभयो ।

लागुऔषध कारोबारी समात्न गएको प्रहरी नै मोबाइल चोर

कैलालीमा लागुऔषध कारोबारी समात्न गएको प्रहरीले मोबाइल चोरी गरेको भिडियो सीसी क्यामेरामा रेकर्ड भएको छ । धनगढी उपमहानगरपालिका– २ ट्राफिक चौकस्थित ग्लोबल मोबाइल ग्यालरीबाट प्रहरीले मोबाइल चोरीको फुटेज सीसी क्यामेरामा रेकर्ड भएको हो ।

थारु समुदायमा भलमन्सा चयनको चटारो

थारु समुदायमा भलमन्सा चयनको कार्य सुरु भएको छ । गाउँबस्तीको नेतृत्व गर्नका लागि नयाँ भलमन्सा चयन गर्ने कार्यको थालनी गरिएको हो । गाउँको नेतृत्व गर्ने व्यक्तिलाई भलमन्सा वा बड्घर भन्ने गरिन्छ । माघी पर्व सकिएपछि हरेक गाउँमा भलमन्सा चयनको कार्य हुनेगर्छ । माघ २ गतेबाट सुरु भएको भलमन्सा चयनको कार्य यो महिनाभरि हुनेगरेको छ ।

कैलालीमा सीमामै कोरोना परीक्षण र खोप

भारतमा कोरोनाको सङ्क्रमण बढ्दै गएपछि भारतसित जोडिएको कैलालीको दक्षिण–पूर्वी नाका सत्ती भन्सार हुँदै नेपाल प्रवेश गर्नेको सङ्ख्यामा वृद्धि भएको छ । कामको सिलसिलामा भारत गएका नेपाली कोरोना जोखिम बढेसँगै घर फर्किन थालेपछि स्थानीयमा त्रास बढेको छ ।

बजेट अभावमा औद्योगिक ग्राम निर्माणको काम अलपत्र

बजेट अभावकाकारण डोटीको जोरायल गाउँपालिका– २, बुडरमा रहेको निर्माणाधिन औद्योगिक ग्रामको काम अलपत्र परेको छ । २०७६ माघ २० गतेको नेपाल सरकार मन्त्रिपरिषदको निर्णयले डोटीको बुडरमा औद्योगिक ग्राम बनाउने निर्णय भएसँगै बहुबर्षिय योजना अन्तर्गत औद्योगिक ग्राम निर्माण कार्यको सुरुवात गरिएको थियो ।

परम्परागत डोको बुनेर जीविकोपार्जन

बाजुराको खप्तड छेडेदह गाउँपालिका –६ बुडाबाडाका डम्मबहादुर बुढा डोका बुनेर जीविकोपार्जन गर्दै आउनुभएको छ । गाउँका युवाहरु सबै रोजगारी गर्न भारत जानेगरेको भएपनि बुढाले भने घरमै डोका, डाला, सुप्पा बुन्दै गाउँमा बिक्री गरेर जीविकोपार्जन गरिरहनुभएको हो ।

आलु खेतीमा किसानको आकर्षण बढ्दै

बाजुराका अधिकांशं किसानमा पछिल्लो समय आलु खेतीमा आकर्षण बढेको छ । धान, गहुँ कोदोजस्ता अन्नबालीभन्दा आलुको उत्पादन राम्रो हुन थालेपछि बाजुराका किसानका लागि आलु खेती रोजाइमा परेको हो ।

तपोवनमा श्रदालु भक्तजनहरुको घुइचो

हिन्दुहरुको महान चाड दशै तिहारजस्तै सुदूरपश्चिम प्रदेशमा धुमधामका साथ मनाईने माघी संक्रान्तिका दिन जिल्लाको प्रख्यात तपोवन क्षेत्रलगायत बिभिन्न स्थानीय शक्तीपिठहरुमा श्रदालु भक्तजनहरुको घुइचो लागेको छ । शुक्रबार रातीदेखि नै श्रदालु भक्तजनहरुले बिभिन्न शक्तीपिठहरुमा मुढाबालेर रातभर भगवानको आराधना गरी माघी संक्राति बिहान स्नान गरी फर्केका छन् ।